掃呢頁CODE去手機

2019年5月7日 星期二

羅家英揭老戲骨差別待遇 劉兆銘拒簽無綫一年一騷 __,劉兆銘,無綫,羅家英,

劉兆銘談到會否再簽無綫時,指「佢唔搵我,我冇得簽㗎。佢文化藝術大鱷,係當你冇到。」資料圖片
劉兆銘談到會否再簽無綫時,指「佢唔搵我,我冇得簽㗎。佢文化藝術大鱷,係當你冇到。」資料圖片一台獨大,藝員講到跟無綫簽約,相信個個都有苦自己知,不過無綫 ...


一台獨大,藝員講到跟無綫簽約,相信個個都有苦自己知,不過無綫苛刻,已經不是近日發生。日前羅家英在節目中大爆資深藝人劉兆銘,多年前跟無綫續約,無端端被變成每年只做一個騷。劉兆銘前日受訪時無奈說:「我覺得TVB對我嚟講,我開台到家吓仲有啲感情,呢個係自己儍之嘛,以為自己有啲感情,係有呀,個感情就係點解人哋咁冇感情!」

撰文:魯吉

相關新聞:【法國習舞】能舞能演能教

劉兆銘60年代無綫開台時,為綜藝節目如《歡樂今宵》等編舞,其後拍攝劇集,經典角色包括《千王群英會》的仇大千、《新紮師兄》演梁朝偉的老竇等,但到期與無綫續約,便被難為。羅家英日前在ViuTV節目中,講起無綫不尊重老一輩藝人,指現年87歲的劉兆銘曾不受尊重,羅家英說:「一年一騷呢個問題,我聽劉兆銘講嘅。佢之前同TVB簽約,簽完一出門口,嗌佢返轉頭話:『劉生,你已經超過60歲,呢份約我哋要取消,要簽過另一份。』另一份合約,列明一年一個騷,咁劉兆銘話唔簽,要走喇。後來佢喺澳門同我拍緊一套戲,佢拍晒枱好嬲。」



去年劉兆銘演出網劇《蝕日風暴》,與羅家英(右)大鬥演技。劇照 去年劉兆銘演出網劇《蝕日風暴》,與羅家英(右)大鬥演技。劇照
2013年劉兆銘獲頒「萬千星輝演藝人大獎」(右),但劉兆銘自嘲只是無綫一個「number」。資料圖片

2013年劉兆銘獲頒「萬千星輝演藝人大獎」(右),但劉兆銘自嘲只是無綫一個「number」。資料圖片

「聽上嚟好為藝人」

前日劉兆銘向《蘋果》親述拍枱事件,他在訪問中笑說:「係呀,好耐世紀喇。我係第一個藝人簽一個騷,個道理好好嘅,你簽一個騷好自由,你可以做又可以唔做。佢又唔使養你,你又冇酬勞得到嚟保障你嘅生活,公司鍾意畀你做,唔鍾意就唔畀你做。聽起上嚟好為啲藝人喎,我早期冇經驗唔知好唔好。」



問到羅家英指他拒絕簽約,劉兆銘說:「嗰時好多嘢我唔記得,我記得就話,佢既然咁對我,覺得唔重要,如果重要梗係要我簽多啲,我又冇哀求佢,我又唔係佢培養出嚟嘅藝人,開始係我喺訓練班教演員嗰個角色之嘛。」那有否嬲到拍枱?他說:「咁梗係會啦,估唔到搵食咁艱難,話畀自由,原來係僱主冇乜責任去理啲工人咁樣,你唔係藝人,你係搬運嘅或者做雜工。」



1981年《千王群英會》一劇,劉兆銘演的仇大千一頭白髮造型令人深刻。劇照

1981年

《千王群英會》一劇,劉兆銘演的仇大千一頭白髮造型令人深刻。劇照
1984年劉兆銘在《新紮師兄》中,扮演偉仔的衰老竇(右)。劇照

1984年

劉兆銘在《新紮師兄》中,扮演偉仔的衰老竇(右)。劇照
1991年電影生涯上,劉兆銘在《倩女幽魂》系列的「姥姥」深入民心。《倩女幽魂III道道道》劇照

1991年

電影生涯上,劉兆銘在《倩女幽魂》系列的「姥姥」深入民心。《倩女幽魂III道道道》劇照

劉兆銘指自己仍是無綫藝人,但網上指他今年1月約滿後沒有再續約,他說:「呢啲消息我都唔知,咁公司年年都可以咁樣,譬如噚日滿約,我啱啱唔知去咗邊度地方,我話『返嚟先簽啦』,咁佢就隔咗一個星期或者一個月先簽囉,唔在乎我存唔存在㗎。如果有間公司咁樣請人,你話幾好呢。唔去得第二度做嘢,係屬於佢嘅,佢又唔使畀嘢你做,又唔使畀錢你,佢大晒㗎嘛。我覺得由TVB開台加入,仲有啲感情,呢個係自己儍之嘛,賣都賣咗盤啦,都人面全非啦,以為自己有啲感情,係有呀,個感情就係點解人哋咁冇感情!」



「有個number係我」

那是否仍是無綫藝人?劉兆銘說:「咁咪等緊佢簽囉,簽咪有約,唔簽咪冇約囉。公司唔識我吖嘛,公司見到有個number係我之嘛,唔係一個藝人,唔係劉兆銘吖嘛,係觀眾先當我係演員。」




鍾意就快D Share啦!