馬上成為壹會員
會員專區 只限會員閱讀
一票難求嘅劉華演唱會，仲要等大半年先至有得睇，但係佢同古仔（古天樂）嘅新片《掃毒2天地對決》下公月中就有得睇。今日電影新鮮出爐咗一條making of ，兩人第一日開工已被導演安排拍一場家法侍候嘅重頭戲，喺飾演阿公的鄭則士面前，劉華授命對古仔家法斬手指嚴懲侍候，話晒07年合作過《門徒》，兩人有一定默契，所以好快就完成這場戲份。 不過斬還斬，但斬嗰一刹那也要份外留神;因為真正拍攝時使用真刀，兩人 timing 同角度上面配合都要好準繩，所以戲內戲外都同樣睇得緊張，古仔事後都話:「華哥動作真係好快手敏捷，真係慢啲手都唔得!」
劉華提到自己年青版嘅造型，係時間準備方面花咗唔少心思。華仔搞笑咁話:「我好耐冇駁髪紥辮，梳條辮仔又要唔可以剃鬚，揸埋把刀家法侍候古仔，真係成個武士上身咁!」
華仔和古仔首天開工踩足 12 粒鐘，除了拍攝兩人的戲份外，仲同三哥苗僑偉以及飾演佢妻子嘅江美儀都有羣戲。原本夜靜嘅深夜時分，四人係醫院門外碰頭即吹水互相問候；江美儀因只有一天戲份，難得同時遇上這幾位影帝和視帝，即使受傷瞓擔架，都要馬上跳起來，變身粉絲同三位型男嚟個合照留念:「接呢個戲就是因為知道同呢三位型男同場，呢啲機會唔係隨便擁有。」而甚少拍電影嘅三哥係片場不時有華仔照顧左右，連補妝走位都細心指導，令三哥鬼咁自豪咁講: 「開工有天王係身邊，真係好大福利!」
立即下載APP，精彩內容壹手掌握
下載連結： http://bit.ly/Next29App如對會員訂閱制有遇到任何問題或意見，你可以致電 2623 9985，或電郵聯絡客戶服務主任cs@nextdigital.com.hk，我們定當盡力協助！
來源 source: http://nextplus.nextmedia.com
|
鍾意就快D Share啦！
|
|
|