網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年5月20日 星期一

莊思敏:一日痛失六位數!莊思敏慳家街邊買缽仔糕 __,莊思敏,

拿督女都要慳住使~藝人莊思敏(Jacquelin)雖然貴為拿督女,不過向來自食其力,非常落力搵錢,但早前因股市大冧市,搞到她一日痛失六位數字。所謂小富 ...


拿督女都要慳住使~


藝人莊思敏(Jacquelin)雖然貴為拿督女,不過向來自食其力,非常落力搵錢,但早前因股市大冧市,搞到她一日痛失六位數字。所謂小富由儉,Jacquelin近期都要節衣縮食,不敢做大花筒。

日前下午兩時多,戴上黑超、身穿牛仔褸及連身花裙的Jacquelin現身尖沙咀逛街,不過,她沒有行名店,反而專攻平價小店,尤其特價貨,認真知慳識儉。路過一間寫着五十蚊起的時裝店時,Jacquelin即毫不猶豫走入去,不時把衣服擺上身左併右併,但最終未有揀啱心水。之後她去了隔籬一間賣內衣褲及襪子的街邊檔,雖然檔口非常開揚又人來人往,但她仍大模大樣地挑選「缽仔糕」(nude bra),又指着其中一款詢問檔主,跟着火速買了幾個離開。其後,Jacquelin入了一間寫着清貨一件不留的連銷藥妝店,不消五分鐘便掃了一袋戰利品。之後又進入一間特價波鞋店逛了幾圈。

不單只節衣,Jacquelin也轉攻平民美食,逛街途中買了珍珠奶茶及一串魚蛋醫肚,邊行邊食,十分滋味。未知是否未夠喉,Jacquelin繼續四處覓食,不過行來行去,最終她去了自己有份投資的點心店,在自己主場食番夠本,既可宣傳又慳番餐飯錢,慳得一蚊得一蚊!




來源 source: http://hk.on.cc
鍾意就快D Share啦!