「我崔碧珈如果有一日……唔好話飛黃騰達，生活可以有得更好，見到我用嘅每一樣嘢，媽咪一定會有先。」
看似輕輕一句話，但出自兒女的口中，哪有一位媽媽不動容？崔碧珈（Anita）媽媽當然不例外，聽到女兒這一番話，兩行眼淚失控般由眼角湧出來。
現年30歲的崔碧珈，畢業於英國中央蘭開夏大學，同時又在英國錫菲大學攻讀工商管理碩士課程，並擁8級鋼琴造詣，但12年回港放假被黃柏高看中，選擇留港發展演藝工作。
Anita日前與崔媽媽一齊接受《蘋果》訪問，難得入廚的Anita，當日為吃素的媽媽炮製紅菜頭素菜湯，不過崔媽媽見Anita雞手鴨腳，亦有出手幫忙，兩母女最後合力完成。其間，Anita問媽咪當年可有因為她放棄學業不開心？崔媽媽直言：「初初聽到係有呆一呆，以前覺得讀咁多書，一定係做醫生、律師或者會計師，唔知你幾時變咗目標！」Anita聞言即笑說：「其實我冇轉過目標，一路都覺得自己唔鍾意做會計師，但係我鍾意讀書，而且我讀市場學，學到嘅嘢對我而家做電影幕後工作好有用，冇浪費讀書嘅錢。」
不過，Anita承認決定加入娛樂圈後有點矛盾。「可能未清楚條路，只係知道想做拍戲嘅工作，冇諗過係咪要性感，直到有次去面試，我話畀媽咪知，我面試嘅角色係一個妓女，媽咪諗咗一陣就答我，如果要做呢個角色就要做一個最妓女嘅妓女，嗰時我先知，原來佢雖然有啲唔開心，但都會支持我，只係自己一直諗唔通。」
Anita在10多歲時經歷父母離異，為她的少女時代蒙上陰影，而一直隨媽媽生活的她，和媽媽關係也特別親密。訪問當日，Anita還一邊飲湯，一邊向媽咪說出催淚感言，弄得崔媽媽不停流眼淚，她對媽咪說：「我知道女人想有男人照顧，自己係大女，雖然唔係男人，但就好似你身邊嘅老公咁！」Anita續謂：「我前幾日先同媽咪講，我崔碧珈如果有一日……唔好話飛黃騰達，生活可以有得更好，見到我用嘅每一樣嘢，媽咪一定會有先。我自己有車牌，但我買車畀媽咪先，總之我有能力，都係媽咪有先！」
說到與爸爸的關係，Anita承認彼此感情不深，甚至有點疏離，「其實我冇乜嘢可以同呢個男人講，記得當年為咗生意，問媽咪攞錢，屋企就係得咁多錢，一個女人又要周轉，畀咗你又唔知會唔會還……同埋我聽過一句說話，就唔會理呢個人。」
Anita對於爸爸當年跟崔媽媽說的一番話，更加記憶猶新，她說：「當年佢為生意問媽咪攞錢，媽咪問佢『如果畀晒啲錢你，3個仔女瞓邊？我瞓邊？4個人瞓邊？』爸爸就話『就算你哋瞓街，我都要救間公司，10幾歲去洗碗囉，讀書好緊要咩？我都係小學畢業之嘛！』」。
重提舊事，崔媽媽感觸落淚，Anita則一直緊握媽咪的手，還向媽咪派定心丸：「父母對子女嘅犧牲完全知，所以好錫媽咪，花咁多錢畀我讀書，唔知用咗幾多百萬，但我返嚟簽咗做藝人，拍好多戲啲新聞出嚟又會令佢憂慮，但我一路行落去，希望睇到我唔係浪費咗啲賣樓錢，而係有發揮落事業度。」
女兒已經長大，思想成熟又懂得照顧自己和身邊人，崔媽媽當然感到安慰，她更反過來為Anita打氣：「冇嘢喇......都過晒喇......」Anita最後為媽咪送上一束鮮花及甜蜜一吻，祝媽咪母親節快樂，崔媽媽隨即破涕為笑，開心晒！
場地提供：www.RentAKitchen.com.hk（出租廚房）
《MCU寶石時軸全記錄》
1套6冊解構Marvel電影宇宙
入場睇Endgame前必讀天書！
https://hk.adai.ly/IFk7iee55V
-----------------------------
【記住63836568】全民爆相爆片！下一個爆料王就係你
https://bit.ly/2Guolu9
-----------------------------
星期一至五晚上10點半
《動腦Q》Let's Q the money！
http://bit.ly/2QW8LcI
|
鍾意就快D Share啦！
|
|
|
