「好X難食，X你老X….幾十蚊畀啲屎我地食！」今早9時許，浸會大學學生宿舍飯堂「浸大食坊」內，有十多名懷疑浸大學生，在飯堂內不停爆粗叫囂，大罵食物難吃，有人更將餐具掉在地上發洩。有飯堂女職員好言相勸，但學生們並沒有收歛，反而連珠爆發粗口，嬉皮笑臉，在場食客為之側目。目擊者斥學生態度無禮兼有辱浸大名聲，已即場用手機拍下影片及向校方投訴。
據悉，該批學生部份人是住蔡元培堂宿舍的浸大宿生，今日是QUIT HALL日(即係學期最後住宿舍的一天)，疑有人「離校」在即，趁機發洩對學校餐廳不滿。浸大發言人表示，大學十分關注學生的行為和操守，學生事務處正了解事件，如發現有學生違規，將依據既定程序跟進。
讀者陳先生表示，今早約9時15分他到浸大食坊食早餐時，聽到近窗一排約兩至三張枱，約15名青年喧嘩大叫，有人脫衣包頭，好像開派對，部份人不斷爆粗大罵。陳向收銀員查問，得悉該批青年是住浸大宿舍的大學生，因為不滿餐廳食物差而叫囂：「內容主要是對食物十分不滿，例如話之前有海南雞飯，現在已經冇咗...只是飲品沒變，其他都變了之類。」
其中一名身穿蔡元培堂足球隊波衫的男生，更數次將餐具擲在地上，其後更脫去上衣不停叫囂。其間餐廳女職員上前好言相勸﹐但學生並沒有理會，數人情緒高漲圍住該名阿姐大爆粗口「好X難食，X你老X」「你想我地XX樣」「畀幾十蚊，畀啲屎我地食！」激動的學生又「建議」餐廳阿姐（女職員）不要再於浸大工作，應轉到港大或科大工作，又揚言浸大就快執笠。阿姐只是笑笑口平靜應對，未有回應。
陳先生形容該批學生行為可怕：「好像發瘋咁，受過高等教育的，點可能咁無禮貌，你們不尊重自己，都要尊重浸大的名聲」陳對學生很不滿，其間用手機拍下學生部份惡行，表示會向校方投訴，希望片段公開後，涉事學生自行反省。他又指進入餐廳前，亦見到數名女生攤坐在地下，「好似食咗弗得，飲大咗不省人事，雖然係Last Day，都唔好玩咁癲。」
浸大宿生的行為早惹爭議，甚至造成危險。去年11月22日凌晨，九龍塘浸大學生宿舍偉倫樓有宿生在活動室為幾名「11月之星」的同學慶祝生日，其間在蛋糕點上蠟燭，但有人卻突然向「壽星仔」撒麵粉助興，結果意外引發粉塵爆炸。爆炸中12名浸大學生受傷，傷者主要臉、頸及手腳燒傷，由救護員送院治理，其中4名傷者一度需留醫。舍監當時曾表示，日後會禁止同學「玩麵粉」免再釀意外。
【六四30】守住歷史 拒絕遺忘
https://hk.adai.ly/zdzKtt2RiW
5月21日 10am-11pm
玩《MINI GAME大挑戰》
贏取魚鱻森虱目魚精共20份
https://bit.ly/2WigzsG
你敢爆，我敢獎！ 立即WhatsApp《蘋果》24小時爆相爆片熱線或致電：63836568
|
鍾意就快D Share啦！
|
|
|
