網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年5月21日 星期二

馮盈盈:C1:馮盈盈街市死𦧲講價平4毫子 __,馮盈盈,

前港姐冠軍馮盈盈向來自詡口功了得,日前現身《我和星星有個約會》與兩名男粉絲踩入觀塘街市,起初係威係勢,以為憑美色便能講價成功,怎料卻連環食檸檬!結果要 ...




前港姐冠軍馮盈盈向來自詡口功了得,日前現身《我和星星有個約會》與兩名男粉絲踩入觀塘街市,起初係威係勢,以為憑美色便能講價成功,怎料卻連環食檸檬!結果要出動名銜及三寸不爛之舌,才減得4毫子,叫做挽回面子,不至太失威!

營養學畢業的馮盈盈,對食物相當講究,加上平日勤做運動,身上可謂沒有半點多餘脂肪,為 令更多人食得健康,她便親身上陣,以背心露腰裝、一副戰鬥格率領兩個粉絲由街市走到廚房,共同努力製作既簡單又健康的無麵粉Pancake。

出動粉絲幫口

攞住一百蚊港幣的她,甫開始已喋喋不休表示要買雞蛋及香蕉,未幾一支箭殺入雜貨店,眼利的她已𥄫到擺放雞蛋位置,當店員表示雞蛋售價為1.4元一隻,她即嗲聲說:「我想買6隻,可唔可以齊頭收8蚊呀?」沒料男店員未有憐香惜玉「彈鐘」,並以老闆在場為由拒絕減價,不過盈盈仍死纏爛打繼續出口術,在旁粉絲也加入戰團幫口,最終男店員難抵盈盈嗲功,收平4毫子打發眾人,但已令盈盈心花怒放。

及後盈盈再以同一招數向生果店老闆娘施計:「18蚊呀?我係2016年港姐冠軍,可唔可以收平2蚊呀?」老闆娘望一望盈盈即秒回:「冇得平,你個樣夠18歲卜卜脆」講價失敗的她惟有扁晒嘴,乖乖畀錢走人。

失手煎燶Pancake

雖然講價失敗,但盈盈很快收拾心情,與粉絲浩浩蕩蕩返到廚房準備食材,並分配工作,一切準備就緒後,盈盈把材料混合,繼而進行最重要的煎Pancake環節,惟第一塊已失手煎燶,她忍不住大笑,更以未熟悉火候作為失敗藉口。及後即戰戰兢兢把第二塊Pancake漿落鑊,於粉絲不斷「加油」口號打氣下,盈盈終於成功煎出靚Pancake,大抵眾人士氣高昂,盈盈興奮得玩埋拋鑊,更忽發奇想學謝霆鋒揈香蕉剝皮,以製作玫瑰花伴碟,不過正當完成之際,得意忘形的她卻不慎被利刀𠝹傷拇指,呱呱大叫,並即以清水沖洗及處理傷口,為怕粉絲擔心,她即安撫他們說:「真係玩到見紅,不過我冇事,放心。」及後齊齊大合照留念。

談到粉絲表現,盈盈不斷讚好:「兩個都好幫到我手,其實我都有了解呢兩位粉絲,知道阿彭曾經有病,養病期間睇我啲節目,我都好開心帶到正能量畀佢。而Freeman呢,知佢想我教減肥,我都有醒佢兩招。」 場地:Penthouse Party

「無綫大喇叭」裝聾扮啞

眾所周知馮盈盈乃圈中出名的大喇叭,可謂人未到聲先到,就連她也不禁揶揄自己分貝高,故笑指欲於演技上挑戰不可能的任務,便是演聾啞人士,她說:「淨係用肢體同表情做戲,希望大家對我印象會有180度改變,應該都會好好玩。(想邊個同你一齊演?)梗係想搵啲同我一樣咁嘈嘅,就係江嘉敏同劉佩玥,其實我哋平時都有傾開,因為幾個都係有無綫大喇叭之稱,觀眾一定會好有新鮮感,我自己都期待呀!」說罷盈盈更做出「我愛你」手語着讀者猜。

粉絲阿彭的話

「Hello,我叫阿彭,幾年前因為患有甲狀腺癌,做完手術出院返屋企休養,百無聊賴就睇到香港小姐競選,就畀馮盈盈宣布賽果時個緊張樣吸引咗,之後佢所有節目同劇集我都有睇,見佢主持節目講嘢好叻,貼地嘅表達方式好可愛,好娛樂到大家,我自細講嘢比較保守,所以錯失過好多機會,好想改變自己嘅軟弱,希望可以透過盈盈嘅對話入面,令自己學識講嘢勇敢啲!」

粉絲Freeman的話

「Hi,我係Freeman,自從盈盈當選港姐之後,因為佢嘅粗口港姐形象起咗注意,同其他港姐好唔同,覺得佢好真性情同有親切感,喺節目度又敢言,令我愈來愈鍾意佢。一直有關注佢社交平台,知盈盈都有做開運動,但我中學畢業後都少運動,所以好希望呢位偶像可以指導我去瘦身。」

更多新聞,請瀏覽東方日報網頁:

https://orientaldaily.on.cc/




來源 source: http://hk.on.cc
鍾意就快D Share啦!