掃呢頁CODE去手機

2019年5月11日 星期六

英超Fever:曼聯搞本土化 快簽21歲新傑斯 __,曼聯,

(GettyImages/互聯網)《彩報》豪裝,入市即贏!撳撳呢條Link,寶藏等你拎:http://win.on.cc/football/ 當全世界 ...


(Getty Images/互聯網)


《彩報》豪裝,入市即贏!撳撳呢條Link,寶藏等你拎:http://win.on.cc/football/ 

當全世界估緊曼聯下季重建,會簽入邊位重量級球星時,領隊蘇斯克查反高潮,準備以1500萬鎊(約1.5億港元)收購英冠球隊史雲斯小將丹尼爾占士。

呢位21歲威爾斯新星,同兩位國家隊前輩傑斯、加里夫巴利都係司職左翼。蘇B想還原來基本步,將曼聯帶返往日「本土精神」年代。

英國《每日郵報》指,曼聯早前已經派人去睇丹尼爾占士比賽,認為佢適合蘇斯克查嘅要求,就係年輕、有鬥心、本土球員,三大要素。《BBC》更以突發消息報道,指曼聯非常接近簽入丹尼爾占士。

丹尼爾占士屬於史雲斯青訓產品,3年前獲提升上一隊,當時史雲斯仲喺英超比賽,但佢並冇上陣。史雲斯今季降落英冠,丹尼爾占士獲得重用,為球隊於各項賽事上陣38次,入5球及10次助攻。

丹尼爾占士代表作一定係3月英足盃對曼城,佢策動攻勢,協助史雲斯攻入第2球,一度領先曼城2:0,可惜最後倒輸2:3,但丹尼爾占士表現已經備受讚賞。

一星期之後,丹尼爾占士更於歐國盃外圍賽入波,協助威爾斯以1:0擊敗斯洛伐克,亦係佢首個國家隊入球。難怪被譽為繼傑斯、加里夫巴利之後,威爾斯新一代超級翼鋒。

東網體育FB同你追實體壇每個精彩時刻!

http://bit.ly/2ecTF2A 

Follow東網體育IG一齊撐本地運動員!

http://bit.ly/2EYxoRh 




來源 source: http://hk.on.cc
鍾意就快D Share啦!