掃呢頁CODE去手機

2019年5月22日 星期三

英超Fever:破英超轉會費紀錄 曼聯過億鎊買新C朗 __,C朗,基斯坦奴朗拿度,曼聯,

(互聯網)為追上同市曼城、傳統死敵利物浦,曼聯今夏肯定大換血,據葡萄牙傳媒Record披露,紅魔鬼準備豪使1.05億鎊,收購賓菲加超強攻擊手祖奧菲歷斯 ...


(互聯網)


為追上同市曼城、傳統死敵利物浦,曼聯今夏肯定大換血,據葡萄牙傳媒Record披露,紅魔鬼準備豪使1.05億鎊,收購賓菲加超強攻擊手祖奧菲歷斯。呢名19歲C朗接班人,本季帶領球隊勇奪葡超冠軍,曼城、皇馬、祖雲達斯都對佢好有興趣,曼聯為搶人不惜支付其合約中嘅超高毀約金,就係希望佢可成為曼聯新一代鋒線揸Fit人!

曼聯本季風雨飄搖,蘇斯克查以看守領隊身份代替摩連奴,有個極佳開始,不過坐正之後成績直線下滑,到本季最後12仗竟然輸咗8場。保羅普巴於各項賽事射入16球,已經係球隊神射手,反映球隊攻力不足,蘇斯克查睇中祖奧菲歷斯,就係想佢擔起未來數年嘅入球重擔。

現時英超轉會費紀錄由普巴所保持,曼聯於16年以8900萬鎊由祖雲達斯將佢買入。如果祖奧菲歷斯最後以過億鎊轉會費入魔,將破球會大師兄紀錄。祖奧菲歷斯本身踢10號位,但本季轉打前鋒多咗起腳,造就佢於各項賽事射入20球,並取得11個助攻,今年4月歐霸盃8強賽事,佢就個人連入3球,成賽事最年輕戴帽球員。祖奧菲歷斯於葡萄牙已成巨星,並被譽為C朗接班人,曼聯想復興,的確要加多兩錢肉緊搶人。




來源 source: http://hk.on.cc
鍾意就快D Share啦!