2019年5月31日 星期五

【望鏡床照】姚子羚與二奶對話聲帶流出:老婆離開係因為佢成日flirt女 __,姚子羚,

(圖片由讀者提供)
姚子羚在本月19日被《蘋果》踢爆戀上夜場前董事楊偉文(Raymond),同時爆出對方有前妻蔡宛珊(Sarika)及圈外「二奶」,疑陷入四角戀。姚子羚隨 ...


姚子羚在本月19日被《蘋果》踢爆戀上夜場前董事楊偉文(Raymond),同時爆出對方有前妻蔡宛珊(Sarika)及圈外「二奶」,疑陷入四角戀。姚子羚隨即接受傳媒訪問,表示與Raymond交往時,對方已跟太太分居,而事發前亦已和Raymond分手,並強調自己在不知情下被影「床照」(相關新聞: https://bit.ly/2W1tGCJ )。



不過讀者可以繼續「食花生」,因為《蘋果》日前再收到讀者爆料,稱是「二奶」閨密A小姐(化名),除提供兩張子羚穿上白色泳衣,在床上攬實Raymond望鏡影相外,還有五段疑似姚子羚的錄音聲帶。A小姐說:「啲相係GPS定位影嘅,上面有埋時間地點,去年10月喺Bangkok,佢點會唔知對方同佢喺床影過相呀?」



A小姐續指,姚子羚一直知道Raymond想o氹番太太Sarika,想同二奶聯手逼Raymond盡快簽紙離婚,A小姐說:「佢(姚子羚)甘心做三奶,其實Raymond同佢都提過幾次分手,但佢要贏,死都同二奶爭。」不過,聲帶內容未有「逼分」,只是姚子羚似向二奶埋怨Raymond不夠成熟,以下是五段疑似姚子羚的錄音聲帶:



「即係佢咪就係咁囉,如果佢可以成熟啲諗嘢,你老婆就唔會離開你啦。呢句說話我都不下一次同佢講,我話我終於明白,點解你老婆會離開你嘞。」



「當然佢唔會話畀我聽,佢老婆離開佢,係因為佢flirt女啦,中間。佢都係講話Sarika唔開心,因為佢冇時間陪佢,因為佢喺夜場返工,日日做到好夜,等佢返嚟瞓呀。佢就話我邊有時間啫,佢都知我係咁樣工作㗎啦,佢覺得以前冇錢,覺得有時間,好喇!但而家做咗嗰度份工,佢搵到錢喇,但就冇時間囉!」



「佢而家仲覺得,橫掂我老婆都會離開我㗎啦,咁我使乜做好我自己。我心諗佢都特登咁去做放縱自己,但呢樣嘢係你自己去決定啫,如果你真係有心想Sarika返去你身邊,咁點解你唔利用佢離開你呢段時間,好好哋做好自己,證明畀你老婆知,你真係愛佢,所以為咗你,我做好我自己,希望你返嚟我身邊,而唔係繼續flirt女、媾女、食女。」



「最終我拆穿咗佢,話我有朋友識你老婆,同埋有朋友喺IG見到你老婆,影到你喎。佢冇得唔認,因為之前我問咗佢好多次,我話我再問多你一次,你係咪去咗見你老婆?佢死口唔認嘅。」



「唔係呀,我哋返緊去佢嗰度時,佢突然之間停車,就話覺得佢好似見到你喺佢屋企樓下等。我話係咩,我唔見喎,我覺得佢呢個舉動,係想扮晒嘢,等我知難而退,咁我就唔會上佢嗰度,我當然唔會啦,我梗係特登上佢度。」



對於成為「二奶」和姚子羚的談話對象,Sarika日前接受《蘋果》訪問時笑說:「哈哈,我都唔知點解人哋成日談論我,我都畀唔到comment。有冇疊住(一齊),我都唔深究及回應喇!」離開是否因為Raymond太花弗?她說:「之前都講過,一齊咁多年,分開唔止一、兩個原因。」





【六四30】守住歷史 拒絕遺忘

https://hk.adai.ly/zdzKtt2RiW

--------------------------------

【記住63836568】全民爆相爆片!下一個爆料王就係你

https://bit.ly/2Guolu9



(圖片由讀者提供) 子羚穿上泳衣,與Raymond在床上攬攬。(圖片由讀者提供) 子羚穿上泳衣,與Raymond在床上攬攬。(圖片由讀者提供)
GPS定位,清楚顯示拍攝日期為去年10月,在泰國曼谷。(圖片由讀者提供)

GPS定位,清楚顯示拍攝日期為去年10月,在泰國曼谷。(圖片由讀者提供)
去年10月,姚子羚在泰國拍《黃金有罪》,Raymond即飛到當地冧女友,與床照的泳衣款一樣。(圖片由讀者提供)

去年10月,姚子羚在泰國拍《黃金有罪》,Raymond即飛到當地冧女友,與床照的泳衣款一樣。(圖片由讀者提供)
Raymond曾是夜店董事,與胡杏兒老公李乘德相熟。當年結婚,Raymond亦有帶太太Sarika赴宴。(互聯網圖片)

Raymond曾是夜店董事,與胡杏兒老公李乘德相熟。當年結婚,Raymond亦有帶太太Sarika赴宴。(互聯網圖片)
床照流出,子羚稱在不知情下被影。(圖片由讀者提供)

床照流出,子羚稱在不知情下被影。(圖片由讀者提供)
圈外「二奶」的閨密爆料,指姚子羚一直想同二奶爭Raymond。(圖片由讀者提供)

圈外「二奶」的閨密爆料,指姚子羚一直想同二奶爭Raymond。(圖片由讀者提供)

鍾意就快D Share啦!
Related Posts Plugin for WordPress, Blogger...