掃呢頁CODE去手機

2019年5月22日 星期三

【開心速遞Mandy】慳幾蚊交通費等順風車 謝芷倫公園露腿餵蚊遲遲唔走 __,Mandy,Mandy Lieu,謝芷倫,

馬上成為壹會員會員專區只限會員閱讀會員註冊/登入最近《愛‧回家之開心速遞》講到池美麗癡戀金城安,情節令唔少觀眾感到不安,紛紛話棄劇,有人呼籲趕池美麗離 ...


馬上成為壹會員
會員專區 只限會員閱讀


最近《愛‧回家之開心速遞》講到池美麗癡戀金城安,情節令唔少觀眾感到不安,紛紛話棄劇,有人呼籲趕池美麗離開劇組之餘,仲要求盡快安排秦博思同Mandy回歸添。

想Mandy回歸《開心速遞》並唔容易,事關飾演者謝芷倫近排都相當多工開,啱啱先去完中山拍大灣區特輯,而新劇《大醬園》開拍無耐有排都未煞科,何況仲受到「安心偷食」影響,謝芷倫喺《牛下女高音》同黃心穎有對手戲,隨時要重拍,都咪話唔忙碌。

不過忙絕對係好事,話晒謝芷倫一直想開間藝術學校教跳舞同音樂,計過條數最少都要6位數,所以佢要努力啲做嘢賺錢,增加曝光率、知名度更有助日後開班授徒添。

為咗早日夢想達到,謝芷倫平日都相當慳家,早前《壹》仔見到佢素顏平民look現身,手上拎住疑似球拍,身邊友人亦係運動打扮,相信佢平日娛樂唔係行街shopping掃貨,而係book場打波。運動完後肚仔餓,謝芷倫都只係去麵包店買平價包填肚,相當節儉。

同友人分開之後,著住短裙仔嘅謝芷倫露出一對白滑美腿,一個人夜媽媽走咗去公園坐喺長凳上全程低頭撳電話,遲遲唔走唔知搞乜。原來,佢連幾蚊車錢都要慳,等咁耐就係為咗坐親友順風車。

立即下載APP,精彩內容壹手掌握

下載連結: http://bit.ly/Next29App

如對會員訂閱制遇到任何問題或意見,你可以致電 2623 9985,或電郵聯絡客戶服務主任cs@nextdigital.com.hk,我們定當盡力協助!


鍾意就快D Share啦!