掃呢頁CODE去手機

2019年5月6日 星期一

【娛樂人物】拍《大時代》冇對白不如息影吳啟明Quality of Life __,吳啟明,大時代,

吳啟明表示年紀太大學琴,手指不夠柔軟,姿勢也因此不夠靚。
吳啟明表示年紀太大學琴,手指不夠柔軟,姿勢也因此不夠靚。吳啟明在神劇《大時代》旺蟹一角,為人認識,但事實他是因為角色毫無發揮,把心一橫轉行,他意難平的 ...


吳啟明在神劇《大時代》旺蟹一角,為人認識,但事實他是因為角色毫無發揮,把心一橫轉行,他意難平的說:「啲戲份少到呢,我真係unimaginable」。做股票經紀賺第一桶金後決定找回自己的夢,做廚師及唱歌,受訪這天便自彈自唱家中三角琴,分享自己的完美主義,quality of life跟錢更是無關。

撰文:何永寧

攝影:沈健程

相關新聞:冇送啟華車

現年55歲的吳啟明經過多年蟄伏,近日靜極思動,目的是圓出碟及當廚師的少年夢。早前他作的歌已成為韓劇《觸及真心》的片尾曲,他在上環的餐廳已上軌道,午市賣110多元的咖喱牛腩套餐,據知每日都供不應求。吳啟明早前在何文田過千呎的寓所接受《蘋果》訪問,自言「九龍仔」一名,每趟搬到港島區都有不愉快經歷,最經典是被全幢大廈投訴,家中傳出濃烈雪茄味。雪茄這回事,跟榴槤一樣只有「喜歡」與「不喜歡」,沒有中間落墨,結果是他重投九龍區懷抱。



拍落去感失望

當年跟弟弟吳啟華加入電視圈,吳啟明的代表作,普羅市民自然是想起無綫的經典劇集《大時代》,但當事人吳啟明並不認同:「講真,我真係唔鍾意《大時代》,對我唔係好有meaning,嗰時每個戲都會傾劇本,《大時代》監製係韋家輝,佢𠵱家都係個好出名嘅電影人。嗰時開會佢搭住我膊頭同我講:『啟明你有冇睇《教父》(The Godfather)呀?』我話有,佢話:『你呢個戲就係阿爾柏仙奴(Al Pacino)嘞!』我毛都鬆晒,乜阿爾柏仙奴個角色畀咗我做咩。一拍落去簡直失望到做完之後要離開娛樂圈,啲戲份少到呢,我真係unimaginable(不可想像),點解阿爾柏仙奴係冇對白嘅?我覺得戲裏面最似佢嘅地方係冇嘢講,當你一場戲成日都冇嘢講時,咁即係點做,所以拍完呢部戲之後,我覺得原來阿爾柏仙奴都不外如是啫。」要講到最喜歡的劇集,吳啟明表示時裝劇會揀同張衞健合作的《老友鬼鬼》:「佢成日諗嘢搞鬼,真係好開心。古裝劇就係《奇幻人間世》,當時天林叔做監製,佢好錫我,將我啲戲份加到好重,同埋個造型我好鍾意。」

相關新聞:飲食與牌九



吳啟明在訪問中大數拍攝《大時代》的不滿。劇照 吳啟明在訪問中大數拍攝《大時代》的不滿。劇照
吳啟明最喜歡的古裝劇為王天林監製的《奇幻人間世》,同劇演員有劉秀萍(左)和陳佩珊。劇照

吳啟明最喜歡的古裝劇為王天林監製的《奇幻人間世》,同劇演員有劉秀萍(左)和陳佩珊。劇照

退隱第一桶金

自《大時代》後急流勇退,吳啟明加入股票行做經紀,在消失的那幾年,賺來第一桶金,也為自己定好打算,搵錢之外要趁這段時間追回自己的夢。其中一樣是音樂上的造詣,出過雜錦碟,唱過三首歌,其中一首是跟方伊琪合唱,吳啟明說:「33歲開始第一次上鋼琴堂。因為太大先學,啲手指唔夠柔軟,彈起琴上嚟觀感冇咁好睇,呢樣係冇法彌補。第一首識彈嘅歌係《Today》。」訪問當日吳啟明坐在人手造的三角琴前,先後自彈自唱《Autumn Leaves》、《獅子山下》和《紅塵客棧》。



吳啟明的過千呎豪宅,有估計近百萬元音響組合,用來唱卡拉OK, 以及甚具「規模」的廚具組合。

吳啟明的過千呎豪宅,有估計近百萬元音響組合,用來唱卡拉OK, 以及甚具「規模」的廚具組合。

「我煮嘅係藝術」

另一樣要追回的就是廚藝,原因是每次外出用餐,吳啟明都有「中伏」的感覺:「我覺得好多餐廳煮嘢出嚟,只不過係完成一個差事。我煮嘅係藝術,你叫我一個人煮好多次、好多份。對唔住,我做唔到。好似畫一張畫,可以畫一次、兩次,但要不斷重複,已經唔係藝術品。」自言是完美主義者,也會追求生活品味,他說:「品味未必要好多錢去支持,quality of life好似曬太陽咁,係唔使錢或者好平已經可以做到。」

不過講到車方面,吳啟明開過的名車不少,法拉利、保時捷、林寶堅尼之外,因為喜歡《鐵甲奇俠》(Iron Man)而買Audi R8,他笑言人年紀長,開過的車種多,一點都不出奇。富貴如浮雲,他目前的車款是普通到不得了的舊款E-class平治,說起來又有段古:「老竇同我講佢架車舊咗,要買架新,我數一數銀包都有啲能力,送咗新嘅畀佢,自己就要咗佢部舊款平治。」




鍾意就快D Share啦!