2019年5月2日 星期四

【極恐怖班底挑機 】《勁爆女子監獄》Taylor Schilling做人阿媽 嚇到觀眾全程齋尖叫 __,Taylor,

家陣大台劇集有幾咁膠都與我無關,皆因有互聯網之餘,仲有偉大嘅netflix。自問係佢哋鐵粉嘅,對佢哋播到第六季嘅《勁爆女子監獄》(Orangeisth ...




家陣大台劇集有幾咁膠都與我無關,皆因有互聯網之餘,仲有偉大嘅netflix。自問係佢哋鐵粉嘅,對佢哋播到第六季嘅《勁爆女子監獄》(Orange is the new black)應該有印象。台柱之一嘅Taylor Schilling(泰萊雪寧)近日走去拍咗套新電影《魔詭怪胎》(The Prodigy)。聽個名都知心血少,唔嚇得嘅,千其唔好捉蟲。呢套由《詭墓》恐怖鬼才編劇,孖住《詭屋驚凶實錄》同埋《詭娃安娜貝爾》幕後班底,驚心炮製嘅嚇破膽話題作,聽講係美國試映時,曾經令觀眾嚇到只顧尖叫而錯過劇情!個故仔就話Taylor飾演嘅媽媽Sarah,發現佢個寶貝仔Miles行為越變詭異,懷疑佢遭邪靈附身,兩母子日夜提心吊膽,但充滿母愛的Sarah盡力保護Miles,同時想辦法破解邪靈對Miles的魔咒。Sarah被迫由過去著手,逐漸連自己的感知與現實亦變得模糊........個trailer係咪好驚嚇就見人見志, 都係個句, 有「吉士」嘅咪入場試吓自己嘅膽量去到咩level囉!


鍾意就快D Share啦!
Related Posts Plugin for WordPress, Blogger...