2019年5月2日 星期四

歐聯:對住美斯 VVD眼神防守全球恥笑 __,美斯,

(互聯網)即睇全場入球:https://bit.ly/2J8DRxI 歐聯4強巴塞鬥利物浦,賽前其中一個焦點就係睇美斯大戰華基爾雲迪積克。剛勇奪英格蘭 ...


(互聯網)


即睇全場入球:https://bit.ly/2J8DRxI 

歐聯4強巴塞鬥利物浦,賽前其中一個焦點就係睇美斯大戰華基爾雲迪積克。剛勇奪英格蘭球員先生嘅VVD,今仗未能帶領隊友守住強敵,怒吞3蛋下紅軍處於出局邊緣。本季英超同歐聯,VVD仲未畀對手扭過過,今仗完半場前美斯亦未能盤過VVD,但美斯射入今仗首球時,VVD只能企喺度望住美斯入波,唔少球迷都Cap圖對呢名荷蘭隊長盡情恥笑,齋睇今仗,雲迪積克堅係輸晒畀美斯。

雲迪積克於賽前表示,面對全球最佳球員美斯,絕不能靠佢個人之力,今仗其身體語言亦充分說明呢一點。上半場美斯於右路邊線發難,VVD衝埋去防守,就即時揚手大叫隊友幫忙,唔少網友都話VVD騰晒雞,平時絕少見呢名守衞咁震騰騰。

換邊後蘇亞雷斯近射中楣,美斯衝前補射入網一刻,身邊紅軍守衞包括VVD都呆若木雞,網友Cap圖顯示當美斯入波時,VVD牛咁眼啤實美斯背脊,網友就話VVD呢招眼神防守,未能阻止美斯入球。更有網友留意到,當VVD嘜美斯時,露出曼聯中堅鍾斯嘅獨有招牌冏樣,勁笑「遇到美斯,VVD都變鍾斯」!

今戰賽後,曼聯經典中堅里奧費迪南怒插VVD,要對蘇亞雷斯打開紀錄嘅入球負責:「當時佢係嘜緊蘇亞雷斯,VVD一係就提拍檔祖爾麥迪比跟實哨牙蘇,一係就自己緊貼住呢名烏拉圭前鋒,但佢咩都冇做就畀佢入楔建功,佢呢次犯錯非常致命,佢一定知自己要為失球負責。」




來源 source: http://hk.on.cc
鍾意就快D Share啦!
Related Posts Plugin for WordPress, Blogger...