掃呢頁CODE去手機

2019年6月9日 星期日

【白色強人】盤點大台11套經典醫療劇 大部分都有口碑收視高! __,TVB,大台,

【白色強人】盤點大台11套經典醫療劇 大部分都有口碑收視高!
《白色強人》係TVB2019重頭劇之一,將緊接《婚姻合伙人》於周一(10日)播出,套劇令唔少劇迷有所期待,事關歷年來TVB都拍過不少以醫療為題材的劇集 ...


白色強人》係TVB 2019重頭劇之一,將緊接《婚姻合伙人》於周一(10日)播出,套劇令唔少劇迷有所期待,事關歷年來TVB都拍過不少以醫療為題材的劇集,好幾套劇都口碑收視俱佳。而以下這11齣醫療劇都算係經典,唔知你哋又睇過邊套呢?

撰文:東方新地|圖片:新傳媒圖片、TVB劇照、影片截圖





《白色強人》TVB 2019重頭劇

白色強人》由馬國明、郭晉安、李佳芯唐詩詠等主演,亦是今年TVB皇牌劇集之一。醫療題材一向有收視保證,而《白色強人》係講述香港公共醫療開支年復一年、幾何級數式膨漲,宛如一顆隨時爆破的計時炸彈。明成北醫院是公營醫院龍頭,副院長楊逸滔決意推行醫改,為制度進行一場「大手術」。院內的天才醫生唐明質疑他的計劃,恐怕醫改實行,會導致有人因為無法支付醫療費用而死亡。







話題貼地

《白色強人》監製羅永賢之前接受訪問透露,雖然故事內容純屬虛構,但同香港市民日常生活息息相關,劇集雖然會有醫院日常救人和手術場面,但也有觸及觸時事議題和政治話題如不同政黨、政府部門或首長,也有圍繞醫療改革方案和中東呼吸綜合症事件等,他同時希望觀眾透過《白》劇令大家反思現今的醫療制度,絕對並非如以往的醫療劇題材!





《白色強人》務求做到最逼真,部分外景於內地取景,劇組更搭建一個像真度高嘅急症室場景,手術室場面更是用上真實的醫療儀器,而開拍前演員們要上堂學習專業詞語,期間更有醫護人員監場!

劇中參演嘅女演員包括李佳芯、張曦雯馮盈盈、唐詩詠、朱智賢等靚女花旦及小花參演,馬國明及唐詩詠之前多套劇集合作過都是以「熒幕兄妹」姿態出現,但今次在此劇「升呢」飾演離婚夫妻,二人分開後馬明遇上李佳芯,二人發生微妙感情,從而發展出一段三角關係,馬明同唐詩詠於劇中更會有接場口㖭!





去年何廣沛、馮盈盈在《萬千星輝頒獎典禮2018》獲頒「飛躍進步男、女藝員獎」,盈盈和廣沛在《白色強人》中合作飾演一對情侶,拍住上吸金。





盤點大台11套經典醫療劇!

98年 《妙手仁心》

20年前播出、由鄧特希監製的《妙手仁心》絕對係大台醫療劇經典中嘅經典,第一輯《妙手仁心》由吳啟華、林保怡、蔡少芬、陳慧珊、蘇永康、張家輝、馬浚偉及陳芷菁等人主演,當中以吳啟華飾演嘅程至美醫生最受歡迎。







當年TVB在醫院管理局協助下,借出剛落成尚未全面啟用嘅大埔拿打素醫院畀劇集去取景,所以劇中有不少實景拍攝,而部分急症室場景、甚至儀器全部都係真嘅!





劇中程至美Paul(吳啟華飾)與唐姿禮Jackie(蔡少芬飾)呢一對情侶,至今不少人都覺得佢哋好合襯,故事講唐姿禮由唔喜歡程至美到暗戀佢,之後鼓起勇氣主動表白,但程至美懵然不知激到姿禮好嬲,不過最後梗係喺埋一齊





二人拍拖上山頂睇日出呢場戲,相信有不少觀眾都記得!





好景不常,就喺佢哋開始戀情不久,姿禮發現自己患上腦瘤,真係能醫不自醫!結果程至美親自為姿禮做手術,但小意外令對方一直昏迷﹐吳啟華喺劇中深情形象令佢大受歡迎,成為「師奶殺手」!





因為劇中不乏一班醫生收工落bar飲嘢嘅場口,當時有觀眾質疑劇情有點離地,事關醫生經常要on call ,但佢哋就成日拉隊落bar飲嘢,現實中嘅醫生係咪真係咁得閒又咁好精力?!





至於另一對情侶黎國柱Henry(林保怡飾)與律師江新月Annie(陳慧珊飾),經常有曖昧不清關係,至今仍然令人留下深刻印象。





00年《妙手仁心II》

由於第一輯大受歡迎,所以先後喺00年及05年開拍第二輯及第三輯,不過由於鄧特希已離開TVB,所以《妙手II》及《妙手III》由戚其義監製,主要演員包括吳啟華、林保怡、陳慧珊、邵美琪、蔡少芬、陳豪、蒙嘉慧、陳潔儀、曹永廉、唐文龍及袁彩雲等等!





《妙手仁心II、III》繼續由吳啟華和林保怡擔當男主角,另外仲加入陳豪!而喺第一輯昏迷嘅蔡少芬雖然醒番,但最終喺一場火警中吸入濃煙而不治!





蒙嘉慧出現於《妙手仁心》第二及第三輯中,飾演感情冷酷的醫生何心妍Tracy,由於一直拍攝電影,所以觀眾對蒙嘉慧有耳目一新的感覺,當年深受家庭觀眾歡迎。

鄭伊健嘅前愛邵美琪同當年仲未做伊健老婆嘅蒙嘉慧合作過,而且鮮有同框!





另一方面,劇情加入了一條重要的感情線,就係曹永廉同邵美琪之間的姐弟戀,二人分分合合,感情道路坎坷,當年呢對情侶檔組合都頗為觀眾受落。





05年《妙手仁心III》

女神黎姿在《妙手仁心III》飾演Frances一角,一向長髮嘅Gigi為拍劇以短髮造型示人,令人眼前一亮。而《妙手仁心》拍到第三輯的時候,香港人已從沙士的陰霾中走出來,所以故事多探討生命的意義。





除了黎姿,仲有仙氣花旦吳美衍,真係好有氣質!





04年《天涯俠醫》

林志華監製嘅《天涯俠醫》由張家輝、林峰、郭羨妮、唐寧主演,梁詠琪有份客串,好難得!故事講述無國界醫生的工作,主旨視野顯得更加寬廣。主角張家輝和林峰分別飾演了婦產科的王甫芬和心臟內科的齊百恆,二人透過一個人道救援組織LifeForce,遠赴非洲參與醫療任務,這樣的一次獨特經歷,使二人感悟到生命的意義和奧妙。





《天涯俠醫》係04年台慶劇,劇組落重本遠赴東非肯雅同廣西取景。





2011年《仁心解碼》

羅永賢監製嘅醫生劇《仁心解碼》以精神科作背景,由方中信、徐子珊、黃浩然、蔣志光、楊怡、蒙嘉慧主演,飾演的精神科高級醫生高立仁(方中信飾 ),劇中通過不同案件介紹咗遺傳性精神病、憂鬱症、躁狂抑鬱性等多個精神科疾病,方中信以專業的知識和敏銳的觀察力,幫助無數精神病患者從長久的痛苦折磨中解脫,而方中信、黃浩然、蔣志光三個大男人之間的嬉笑怒罵,都令劇集氣氛冇咁沉重,輕鬆不少。

仁心第一輯由徐子珊做女主角,第二輯就換上楊怡同蒙嘉慧。




2013年 《仁心解碼II》

《仁心解碼Ⅱ》是由方中信、楊怡及蒙嘉慧領銜主演,並由黃智賢、蕭正楠、陳茵媺、蔣志光及陳國邦參演,《仁心Ⅱ》同樣精神病及刑事罪行為題材,而當年第1集播出後即引來話題,劇中女學生(石天欣飾)慘被強姦,由於畫面非常逼真,令人印象難忘,她此後更多演被強姦的角色!





《on call 36小時》

潘嘉德監製《on call 36小時》由楊怡、馬國明、黃智賢、曹永廉、羅仲謙、黃智雯主演,故事講敘一班實習醫生的訓練及成長,主要講述香港公立規定醫生每次當值時間為36小時,當中點樣爭分奪秒去救人,套劇仲全面的介紹了公立醫院的各個醫科,又經常提到醫護的專業名詞。





《on call 36小時II》

由於第一輯收視及口碑不俗,無綫隨即開拍《On Call 36小時II》,續集仲搵咗吳啟華回巢助陣,由馬國明及楊怡、黃智雯、羅仲謙、朱千雪、岑麗香、蘇玉華、袁偉豪主演!





2015年 《實習天使》

葉鎮輝監製嘅《實習天使》由洪永城、岑麗香、單立文、陳煒、吳若希、劉佩玥等主演,故事以實習護士為題材,,劇情講述幾位準護士畢業生被派到醫院實習,由有「死神Ray」之稱嘅註冊護士(洪永城飾)去負責訓練佢哋。劇中有唔少醫生同護士工作嘅場面,但當時唔少護士情節都唔合情理。







第一集陳煒飾的護士被麥嘉倫批評,但事後證明陳煒判斷正確!

黃子恆飾演的醫生多番出言貶低護士!





《實習天使》出街時,洪永城想借肯定護士的職責來宣傳劇集,點知一句「護士,喺社會上嘅地位不高」就惹來各路網民留言狠插。《實習天使》拍攝期間吳若希在其個人Facebook Page post花絮相,結果因為護士坐病床有違醫護常識,又有部分網民聯想至AV情節,間接影響護士形象,惹來負評。





02年 《紅衣手記》

《紅衣手記》相信冇乜人會記得,套劇由劉仕裕監製,陳鍵鋒、佘詩曼、康子妮主演,講述一群護士的成長故事,那年阿佘都未係當家花旦,套劇被選為海外首發劇集之一,02年喺海外首播,直至2007年才安排在翡翠台下午三點幾首播。劇情通過幾個年輕護士探討生命,而佘詩曼飾演的郁采玲是一個心地善良兒科護士,陳鍵鋒飾演的男護士容德基,性格率真有理想有抱負。

阿佘當時包包面配上淡妝,好可愛!





套劇仲有康子妮,當時佢都好年輕,清純又靚女!







2018年《跳躍生命線》

《跳躍生命線》圍繞救護員工作做題材,故事開始講總隊目麥在田(馬德鐘飾 )和章蕙芯(李佳芯)本是一對恩愛夫妻,可惜蕙芯死於一宗交通意外,遺下在田與女兒諾兒,除了馬神和李佳芯,仲有劉佩玥、張文慈、陳瀅、張曦雯等演員,配搭都算新鮮!

醫療劇




來源 source: http://www.nmplus.hk
鍾意就快D Share啦!