2019年6月23日 星期日

【星二代有壓力】林鈺洧靠演戲聯繫父女情 15歲前唔知爸爸林俊賢係演員 __,林俊賢,林鈺洧,

攝影:葉君海
林鈺洧(Denice)是演員林俊賢的女兒,但因為父母一早離異,所以她15歲前對父親沒有任何認識,直至近年才多交往。Denice商科畢業,對娛樂圈並沒有 ...


林鈺洧(Denice)是演員林俊賢的女兒,但因為父母一早離異,所以她15歲前對父親沒有任何認識,直至近年才多交往。Denice商科畢業,對娛樂圈並沒有太大興趣,直至2015年由朋友介紹,才開始做模特兒:「由細到大,親朋戚友見我生得好高,讀書喺班內都係排最尾一個,叫我大咗做model,可能太多人講,反而唔係太想入行,大大吓出來做嘢,有人介紹我見模特兒公司,當時返工時間自由,所以有時間做model試吓。」求學時為賺外快,做過補習老師、侍應、幼稚園保姆、保險兼售貨員,始終找不到一個方向。



但她小時候作文課「我的志願」曾想做演員:「讀書時有參加話劇團,做吓舞台劇,只係讀商科接觸戲劇機會少咗就放低一陣。17歲左右有日放假喺屋企睇電視,睇Leonardo DiCaprio嘅《Romeo + Juliet》時就驚訝,如果將來我可以參與到一樣咁靚嘅嘢就好,女主角着嘅天使衫好靚,好想大個可以咁。」



反而父親的演藝作品,Denice卻從來沒有看過:「我冇睇過佢做戲,嘻嘻,唔係特登,我由0至15歲都唔知爸爸係林俊賢。有次去佢屋企,見佢電腦明明有個file係佢自己嘅戲,見到我望,佢立即遮住電腦螢幕叫唔好睇,話好核突。問佢有乜核突?佢話套戲入面佢做強姦犯,我想睇但佢唔畀,可能佢唔想我覺得daddy有呢一面。」Denice比很多演員有優勢,可以隨時有「老師」請教,她遇上有困難也會問父親:「佢都犀利,可以畀到好多意見我,有時覺得入唔到個角色,我都會問佢,佢叫我畀耐性同時間。做戲講求好放鬆,教我每個演員有自己的放鬆方法,佢可能深呼吸就得,我就要再自己搵。」而林俊賢會很緊張女兒演藝工作,關心她每日工作,半夜會突然傳訊息給女兒,教她做戲方法。



因為決定從事演藝工作,有助父女關係拉近:「0至15歲冇見過佢,做model時同佢來往不多,自從決定做演員,對話多咗好多,我哋WeChat對話,一日傾幾次。以前係會問候,生日都會上去(屋企)做到足,現在對話有來有往,不單是寫生日快樂,佢畀個笑就冇,會一句句對答。我會搵次同佢一齊睇佢嘅戲,搵咗之後帶電腦同佢睇。」但她坦承現在感受到星二代的壓力,外界會把二人來比較:「我出嚟唔止代表自己,亦係代表緊佢,所以有啲壓力。」



現時她有修讀演技課程,也打算之後到美國荷李活星級演藝學校讀短期課程。她在ViuTV劇集《詭探前傳》中,做一個被鬼上身的女仔,不斷在家練習,但拒絕在父親面前試戲:「輪到我唔想,等我將來有多啲信心先畀佢睇,相信一定有機會。」



採訪:王連連

攝影:葉君海

髮型:Chris Lam

化妝:Kyo Lee



-----------------------------

7月4日起 《蘋果動新聞》只限升級壹會員閱覽

繼續撐蘋果!

https://hk.adai.ly/e/iIRREmuwDX



攝影:葉君海 林鈺洧(Denice)是演員林俊賢的女兒。 林鈺洧(Denice)是演員林俊賢的女兒。
但因為父母一早離異,所以她15歲前對父親沒有任何認識。

但因為父母一早離異,所以她15歲前對父親沒有任何認識。
Denice商科畢業,對娛樂圈並沒有太大興趣,直至2015年由朋友介紹,才開始做模特兒。

Denice商科畢業,對娛樂圈並沒有太大興趣,直至2015年由朋友介紹,才開始做模特兒。
她小時候作文課「我的志願」曾想做演員。

她小時候作文課「我的志願」曾想做演員。
父親的演藝作品,Denice卻從來沒有看過。

父親的演藝作品,Denice卻從來沒有看過。
決定從事演藝工作,有助父女關係拉近。

決定從事演藝工作,有助父女關係拉近。
Denice現在經常會問爸爸林俊賢演戲的意見。(IG圖片)

Denice現在經常會問爸爸林俊賢演戲的意見。(IG圖片)

鍾意就快D Share啦!
Related Posts Plugin for WordPress, Blogger...