網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年6月12日 星期三

【放棄音樂夢】康子妮27歲做媽媽 「高帥」大仔隨時殺入娛樂圈 __,康子妮,

(攝影:陳俊強)
近年不少3字頭的女明星都爭相雪卵,為將來生BB作準備,42歲的康子妮(Lily)剛剛相反,揚言:「我收晒工啦!」康子妮06年嫁給林曉峰,27歲做媽媽, ...


近年不少3字頭的女明星都爭相雪卵,為將來生BB作準備,42歲的康子妮(Lily)剛剛相反,揚言:「我收晒工」康子妮06年嫁給林曉峰,27歲做媽媽, ...


近年不少3字頭的女明星都爭相雪卵,為將來生BB作準備,42歲的康子妮(Lily)剛剛相反,揚言:「我收晒工」



康子妮06年嫁給林曉峰,27歲做媽媽,兩年抱兩,如今大仔林寶15歲,細仔林熙14歲,現在仔大仔世界,已經各自有女朋友。康子妮坦言有點失落感:「有段時間會,尤其星期六夜晚食飯,一個去拍拖,一個跟同學開Party,老公又有自己節目,得我一個食飯。」不過,Lily強調好享受一個人的世界,可以做自己喜歡的事。



年紀輕輕已經做媽媽,Lily坦言當初亦有迷惘,她說:「我嗰時個age,身邊冇朋友咁快生小朋友,冇人同我傾,好多中學同學而家先生BB,我嗰啲已經大人咁。當年媽咪聽到大仔得3個月大,又有咗細佬,佢哋都係9月出世,相差1年,阿媽都話:『你咪唔使開工?』我係唔知點嘅,好多矛盾嘢,但都過咗咁多年。」為金錢煩惱?她說:「成日有啦,所有artist都有。」有沒有後悔?她說:「冇,能夠組織一個家庭係開心嘅,但無奈,因為冇諗住咁快唔做嘢,好多取捨係我冇預期。」



Lily和林曉峰在3年前才能成功「上車」,部份首期更是由Lily父母幫忙支付,她解釋:「而家買樓好難,冇能力就係冇能力,冇得夾硬,我哋亦錯過好多上車機會。但係我父母好好,永遠都好就我,我屋企人唔係話:『你睇,又要我哋幫你。』而係想一齊合力做一件事,計過數,唔係好辛苦先實行。」



07年約滿無綫後,Lily淡出幕前,經濟重擔落在老公一人身上,她便專心相夫教子;直至近年才復出做自己喜歡的音樂,成為鄭伊健和歲月友情系列巡迴演唱會御用樂手兼和音,她說:「嗰時每逢星期五、六、日都要出埠,佢哋(囝囝)都習慣呢個模式,Daddy媽咪係要出去做嘢,嗰兩年我都會收到電話同email,話你個仔冇交咩咩咩功課,你個仔喺學校同人有啲咩嘢,我都有啲難過,因為唔可以成日陪住佢哋。」



Lily本身頗有音樂才華,16歲考獲鋼琴演奏級、大學在多倫多讀音樂,但她不想做虎媽,她說:「邊個唔想仔女讀到書,冇得講,但讀唔到係咪代表唔成功?唔係我做到,佢一定要得,好多嘢都係佢得我唔得。」她承認大仔讀書成績麻麻,但去年已有公司邀請大仔試鏡,她笑說:「我哋知佢唔係讀書材料,佢自己都知,今年讀國際學校year10,等於中四啦。成日有人話佢高大,幾好樣,我話:『吓?』,我見親佢都係啱啱瞓醒,點入行呀?我都有問過哥哥有冇興趣做Artist,佢用低沉語氣話:『好吖!』咁即係點呢?佢份人就係咁隨意,你話乜就乜。反而細佬好鍾意結他、玩啤牌,一早講咗唔想入行,知自己唔係娛樂圈嘅材料。」是否會幫大仔進軍娛樂圈?Lily笑謂:「我都力捧唔到我自己,但佢話想,我同老公一定幫。」問到會否再生?她決絕謂:「我收晒工啦,一定唔會!細路都咁大個,而家冇呢啲精力,反而幾享受自己做嘢。」



Lily最近「出山」做幕前演出,孖住老公一齊主持ViuTV真人騷節目《愛我嗎?愛你媽!》,是關於兒子、奶奶與媳婦的倫理關係,Lily笑說:「初初都擔心,香港人咁要面,點會喺鏡頭前不和。最初係奶奶同媳婦一齊去旅行,後來加入阿仔,成件事化學作用唔同晒,嗌交嘴臉出晒嚟,我哋開心嘅,因為真人騷就要呢啲,開頭擔心,後來放心,但最終都見到大家係好care對方。」問到現實中與奶奶關係?Lily好識賣口乖:「我奶奶OK㗎,佢係好識做嘅老人家,唔會囉嗦,凡事適可而止。」



採訪:嵐山

攝影:陳俊強

攝錄:沈健程



-----------------------------

【新聞有價】6月17日起 繼續撐蘋果

http://bit.ly/2IJ24ZR

--------------------------------

【記住63836568】全民爆相爆片!下一個爆料王就係你

https://bit.ly/2Guolu9



(攝影:陳俊強) 康子妮27歲便做媽媽,而且兩年抱倆。 康子妮27歲便做媽媽,而且兩年抱倆。
Lily笑言不打算再生,好享受現在與兒子的溝通模式。

Lily笑言不打算再生,好享受現在與兒子的溝通模式。
Lily很喜歡音樂,但當年為組織家庭放棄追夢。

Lily很喜歡音樂,但當年為組織家庭放棄追夢。
康子妮與兩個兒子關係似朋友,兒子拍拖亦會坦言相向。(IG圖片)

康子妮與兩個兒子關係似朋友,兒子拍拖亦會坦言相向。(IG圖片)
大仔林寶(右)生得高過媽咪,已有公司洽談加入娛樂圈。(IG圖片)

大仔林寶(右)生得高過媽咪,已有公司洽談加入娛樂圈。(IG圖片)
一家人感情好好(IG圖片)

一家人感情好好(IG圖片)
康子妮父母曾借部份首期助買樓。(IG圖片)

康子妮父母曾借部份首期助買樓。(IG圖片)
康子妮盛讚奶奶(紅衫)是一位好識做的老人家,一家人相處融洽。(IG圖片)

康子妮盛讚奶奶(紅衫)是一位好識做的老人家,一家人相處融洽。(IG圖片)
細仔林熙喜歡彈結他,在公公和婆婆面前表演一下。 (IG圖片)

細仔林熙喜歡彈結他,在公公和婆婆面前表演一下。 (IG圖片)
Lily在多倫多讀音樂,近年亦有幫鄭伊健演唱會做和音。(IG圖片)

Lily在多倫多讀音樂,近年亦有幫鄭伊健演唱會做和音。(IG圖片)
ViuTV的全新節目《愛我嗎?愛你媽!》早前出發去泰國拍外景。

ViuTV的全新節目《愛我嗎?愛你媽!》早前出發去泰國拍外景。
四隊參賽者的其中三隊,考驗兒子、奶奶和媳婦之關的默契。

四隊參賽者的其中三隊,考驗兒子、奶奶和媳婦之關的默契。

鍾意就快D Share啦!