2019年6月30日 星期日

【目標生兩個】36歲梁靖琪爆喊嫁圈外男友 老公許諾照顧一生一世 __,梁靖琪,

梁靖琪與圈外男友Jon前日結婚。
36歲梁靖琪(Toby)今日在IG宣佈再婚喜訊,已於28日跟圈外男友Jon結婚了!Toby在社交網貼婚紗相並留言:「IMarriedTheLoveOf ...


36歲梁靖琪(Toby)今日在IG宣佈再婚喜訊,已於28日跟圈外男友Jon結婚了!



Toby在社交網貼婚紗相並留言:「I Married The Love Of My Life  #28thJune2019 "A relationship means something complete, finished, parallel. Love is never a relationship, love is relating. It is always a river, flowing, unending. Love knows no full stop. The honeymoon begins, but never ends".」兩人深情對望,甜蜜滿瀉。



原來Toby跟男友早有共識,今年內會步入教堂,因為Jon是圈外人,所以兩人將婚禮低調進行,雙方親友亦未有洩密。由於Toby與Jon都是基督徒,兩人於28日先到教堂,在雙方父母及過百名親友的見證下,進行行禮及簽字儀式;晚上在酒店舉行婚宴,湯盈盈、周家蔚、鍾麗淇更充當姊妹團,好姊妹文頌嫻、姚樂怡都有去飲,由於Toby的父母是前無綫高層梁家樹和蕭笑鳴,所以古天樂、歐陽震華、郭政鴻、艾威等都有現身喜宴。



據現場友人指,新郎哥在晚宴上,向Toby及其家人作出感人愛的宣言,新娘流下感動的淚水。正式成為施太的Toby興奮地說:「我同老公喺晚宴上,向到賀嘅人道謝,但我事前唔知道佢會講一啲touching嘢,當我聽到佢向我同我父母承諾會愛我forever,照顧一生一世……我就喊到儍咗,姊妹屋企人都有喊,同埋我同老公都係教徒,所以在教堂行禮,感覺好神聖、莊嚴又浪漫,大家唔係只係簽字,係在神父見證下,我同老公都特別感動。」問到造人大計時,老公Jon表示二人好喜歡小朋友,父母也恨抱孫,所以最希望可以有兩個小朋友,Toby笑說:「希望目標兩個」



由於老公是圈外人,所以婚禮低調行,她感激說:「朋友同親友都好好,幫我哋保守秘密,但最唔好意思係因為晚上婚宴,雙方屋企都有唔少朋友,我同老公又好多朋友,所以唔少朋友都請唔到。」對於姊妹團只得3個?她說:「我冇偏心㗎,畀佢哋自己揀,睇吓邊個有時間可以全日陪住我,好可惜就係阿佘(佘詩曼)因為唔喺香港,要開工嚟唔到。」Toby的爸爸梁家樹今日表示:「女兒找到好歸宿,自己當然係感動同開心。」



Toby的首任老公是富家子黃敏豪(Aaron),兩人於2011年12月結婚,但婚姻僅維持年半便破裂。離婚3年後,Toby覓得第二春,前日幸福出嫁。



-----------------------------

7月4日起 《蘋果動新聞》只限升級壹會員閱覽

繼續撐蘋果!



Toby今天在IG貼相宣佈自己的婚訊。(IG圖片) Toby今天在IG貼相宣佈自己的婚訊。(IG圖片)
Toby再為人妻。

Toby再為人妻。
由於Jon是圈外人,婚禮低調舉行。

由於Jon是圈外人,婚禮低調舉行。
左起:周家蔚、湯盈盈及鍾麗淇擔任Toby的姊妹團。

左起:周家蔚、湯盈盈及鍾麗淇擔任Toby的姊妹團。
湯盈盈等人很戥Toby感開心。

湯盈盈等人很戥Toby感開心。
古天樂、歐陽震華都有去飲。(微博圖片)

古天樂、歐陽震華都有去飲。(微博圖片)

鍾意就快D Share啦!
Related Posts Plugin for WordPress, Blogger...