2019年6月21日 星期五

膝患困擾要勁減40磅!67歲洪金寶近照曝光以輪椅代步 __,洪金寶,

洪金寶
膝患困擾要勁減40磅!67歲洪金寶近照曝光以輪椅代步武打巨星洪金寶憑一身好功夫在影壇縱橫數十年,年屆67歲的他兩年前因舊患發作要接受膝蓋手術,開完刀後 ...


膝患困擾要勁減40磅!67歲洪金寶近照曝光以輪椅代步



武打巨星洪金寶憑一身好功夫在影壇縱橫數十年,年屆67歲的他兩年前因舊患發作要接受膝蓋手術,開完刀後被醫生提醒要少走動,仲叮囑佢減磅40磅以減輕膝蓋負擔,而近日有網民影到洪金寶以電動輪椅代步。其實近年洪金寶為怕膝頭負荷過重平日多數以輪椅代步,有重要場合才用拐杖!

撰文:東方新地 圖片:新傳媒圖片





洪金寶以電動輪椅代步

近日有網友影到洪金寶坐著電動輪椅到街市買餸,見佢氣色相當好,精神奕奕咁揀海鮮,而另一張相他準備上車,而司機見有人拍照,立即用手遮掩鏡頭保護大哥。





周家蔚主持嘅ViuTV節目《友枱VIP》之前就請到老爺洪金寶做嘉賓,佢喺節目中透露拍攝《最佳福星》時受傷斷手,到醫院打石膏後,即回到片場趕拍攝進度,真係好專業。



洪金賓話從未利用自己嘅面子同名義,請行內人特別關照兒子洪天明,佢小時候全靠自己打出一片天,認為兒子也應該自己努力去爭取。周家蔚坦言擔心老爺身體,佢憶起有次拍完《特工爺爺》後洪金寶攰到連孫仔都抱唔起,說時佢忍唔住喊,大讚佢係好爸爸、好老爺。



愛買餸親自下廚

大哥大洪金寶嘅身形就知鍾意食嘢,原來更愛煮,做咗煮夫好多年,拍戲會煮大鑊飯俾成個劇組食㖭!早年本刊影到佢單拖落咗去九龍城街市,揀緊生果時,突然收電話,之後急急腳跑過馬路上車走人!



當晚阿仔洪天明就po咗條片上微博,條片係洪金寶抱住細孫JT,抱到唔捨得放手,原來大哥趕住去睇孫,唔怪得雞咁腳走人啦﹗



洪金寶 撐拐杖歎啡

而喺去年9月,本刊影到大哥同結婚23年靚老婆高麗虹現身尖沙咀飲咖啡,精神好好,當時唔使用輪椅只係用拐杖,二人約埋另一pair年紀相約友人在咖啡店歎啡吹水!

長期被膝頭傷患所困、時好時壞,日前大哥大洪金寶帶埋老婆高麗虹去尖沙咀拍拖,終於見佢唔使坐輪椅、精神番晒!



67歲花樣爺爺洪金寶同依家後生一輩一樣歎啡、行街電話不離手!



由店內到店外,洪金寶一直保持做低頭族望電話望不停,好彩有老婆細心照應住全程,咁就唔怕撞到人或者被人撞



洪天明去年帶住兩個囝囝同老婆一家四口參與內地真人騷《想想辦法吧爸爸》,節目播出後,人氣升兩個小朋友可能有排忙,爺爺要見孫可能要預約咯﹗

洪金寶










鍾意就快D Share啦!
Related Posts Plugin for WordPress, Blogger...