掃呢頁CODE去手機

2019年6月3日 星期一

歐聯:利物浦勝利巡遊 75萬球迷睇高普搞笑 __,勝利,

(法新社)利物浦一眾捧盃英雄,剛於利市舉行勝利大巡遊,75萬利迷湧到街上獨狂慶祝,場面墟冚到爆!經過14年嘅等待,紅軍再一次捧起歐聯獎盃,隊史上第6度 ...


(法新社)


利物浦一眾捧盃英雄,剛於利市舉行勝利大巡遊,75萬利迷湧到街上獨狂慶祝,場面墟冚到爆!經過14年嘅等待,紅軍再一次捧起歐聯獎盃,隊史上第6度稱霸歐洲,呢日包括領隊高普同所有職球員,帶上大耳朵盃登上開蓬巴士於利市祝捷,接受世界各地球迷現場祝賀。高普終於喺決賽勝出,呢日梗係超風騷,期間不斷飲啤酒,仲超搞鬼做出「6」次捧盃動作勁搞笑,而韋拿杜姆仲玩到癲,成個電話由巴士上層飛落地上!

紅軍對上一次捧歐聯,已經係05年「伊斯坦堡奇迹之夜」,之後07同18年都殺入決賽,但先後不敵AC米蘭同皇馬僅得亞軍。今季於英超以1分之微失落聯賽冠軍之後,利物浦於歐洲登頂,球員、球迷當然份外激動,所以不單利市利迷空群而出,當中仲有勁多外地Fans趕到英國同愛隊見面,75萬名球迷將當地搞到一片通紅。

帶隊4年終於有盃落袋,仲係歐聯冠軍,高普當然興奮到震,坐於車尾不斷向球迷揮手,仲數晒手指做出「6」次捧盃動作,表情極度惹笑。佢接受現場官方記者訪問,話於巡遊期間多次眼濕濕,佢喺所有擁躉嘅眼入面都深深感受到,呢個冠軍對全部利迷都意義重大,所以覺得好感動。

球員們包括埃及文明鋒線嘅幾大主力,穆罕默德沙拿、沙迪奧文尼同羅拔圖法明奴都超High,期間不斷舉起歐聯獎盃同球迷互動,仲用電話不斷拍片影相玩直播。韋拿杜姆就High過籠,玩玩吓直播竟然成個電話飛咗落街,球迷即刻執番畀番佢,佢望望部電話大叫「嘩仲用得呀」,場面搞笑。




來源 source: http://hk.on.cc
鍾意就快D Share啦!