好勁呀！
賭王四房千金何超盈今年三月爆出同哈佛學霸辛奇隆（Thomas）訂婚，之後仲宣布佗B女「荷包蛋」，而四太梁安琪話今年因為係盲年，所以會超盈喺出年先會喺外國搞婚禮。
雖然係外國搞婚禮，但傳統習俗跟到足，今日超盈原來已經進行過大禮儀式，見腹大便便嘅超盈，着起中式禮服，同媽咪影相一臉非常幸福。而過大禮嘅禮物真係非常重手，除咗有名貴鮑參翅肚外，仲有八對分量十足嘅龍鳳鈪，而亦有幾對金頸鏈，而其中一對相當有睇頭。除此之外，仲有唔少鑽石飾物。
過大禮咁緊要，除咗媽咪出席，當然細妹超欣同細佬猷君都有份見證，而猷君細心咁幫佢撥扇，而超盈好友嚴紀雯同埋石佩藍、莊思敏同妹妹莊思明同莊思華都有份出席，更有舞獅儀式，場面熱鬧。
來源 source: http://hk.on.cc
|
鍾意就快D Share啦！
|
|
|
