李嘉咁畀伍允龍拆祠堂，佢會唔會有事？
《刨片》呢次堅，有「功夫狂人」李嘉表演神功！佢除咗出名玩徒手劈榴槤，原來仲識內家功夫「縮陽功」，真係睇到人嘩嘩聲！
佢喺電視城任由晒出六舊腹肌嘅伍允龍連環狂踢下陰，伍允龍一啲都冇留力，腳腳到肉兼嚟真，現場即傳出啪啪啪聲，真係睇見都痛。但李嘉面不改容，只見佢紮穩馬步，硬食伍允龍飛腳！
啲女睇到O晒嘴
拆完李嘉祠堂，伍允龍反而話自己對腳仲傷，真係唔講得笑。企埋一邊剝花生嘅觀眾王君馨、唐詩詠、劉穎鏇見李嘉最後冇事，當堂睇到O晒嘴，劉穎鏇更大呼：「Oh My God！」李嘉即場認叻，話除咗識「縮陽功」，仲識 「金鐘罩」添！
可以強化性能力
問李嘉驚唔驚變性無能？佢話：「絕對唔會！」會唔會金槍不倒？佢又話：「練咗呢門功夫確實係控制方面做到一度程度強化。」
自6歲起開始習武嘅李嘉，一直希望弘揚武術，曾跟友人喺尖沙咀、大角咀開拳館，但因９習慣商業化，最後關閉拳館，但有一班徒弟追隨佢，由於香港租貴，大家都唔介意在公園習武，令佢大為感動，喺公園繼續教徒弟。
來源 source: http://hk.on.cc
|
鍾意就快D Share啦！
|
|
|
