翁靜晶與拍拖5年的何猷彪早上在教堂舉行婚禮，中午在深灣鄉村俱樂部設宴，提到翁靜晶早前稱銀行疏忽，罵搬遷保險箱沒通知，又稱失首飾一事。
翁靜晶淡然地說：「冇咩大不了，因為我先生算係幾好，知道我為結婚要戴啲咩去張羅，先生就話『你乜嘢都唔使喇，我已經準備晒』，所以我都唔需要擔心。」講到保險箱內是否有家傳之寶，翁靜晶笑一笑：「你話呢？不過點講都好，呢啲都係身外物，呢啲都係唔重要，你見到我戴住嘅首飾好靚嗎？呢啲都會全部捐出去，我哋冇計劃生，我兩個女都講咗唔會拎人哋嘅錢，比較俗啲，我哋都有一個意願，希望自己嘅嘢都係捐出去（捐身家）做慈善，令大家可以得益，至於捐畀邊個，我哋到時會公佈，唔會剩任何嘢畀下一代，係全部捐晒。」
問到今日戴的鑽飾幾多錢？她又說講錢很庸俗：「任何嘅嘢都唔屬於我，所有身外物都唔屬於我哋，『來不帶來、走不帶走』，你見到所有嘅一切，對我嚟講都唔係任何嘢，我覺得畀到去有用嘅人手上，先係真正有用，你哋識我咁耐，我一向係好樸素，我以後都會咁樣，唔會因為身份轉變，而去變咗另一個人，我仍然係我，我仍然都係唔鍾意呢啲嘢，今日係大家畀面，尊重戴一戴，戴完之後，呢啲都會攞去畀人。」
翁靜晶指丈夫何猷彪吸引之處是為人善良公義，作為「富四代」沒有壞習氣，亦在外面受苦，沒有依靠家財，她說：「每次自己去捉假和尚，佢會被人影到喺角落支持及保護我，我覺得好難搵到一個志同道合嘅人，尤其佢對法律嘅熱情，佢亦係法律學者，寫好多文章、發表好多意見，我哋喺法律上有共同興趣，去研究點樣可以幫到更多人，有共同目標，感覺唔錯。」
------------------------------
新聞有價 你肯為《蘋果動新聞》付幾多錢?
https://hk.adai.ly/QDTT6y5mgX
--------------------------------
【記住63836568】全民爆相爆片！下一個爆料王就係你
https://bit.ly/2Guolu9
| （攝影：羅慧敏、陳俊強） | | |
| | |
|
鍾意就快D Share啦！
|
|
|
