掃呢頁CODE去手機

2019年6月12日 星期三

龐卓欣:六年情玩完!龐卓欣宣布同所羅門分手 __,龐卓欣,

此情不再!2015年港姐亞軍龐卓欣(Ada)與「鐘錶大王」孫秉樞長孫仔智威(Solomon,所羅門)自2013開始拍拖,二人拍拖期間表現恩愛,仲不時去 ...


此情不再!


2015年港姐亞軍龐卓欣(Ada)與「鐘錶大王」孫秉樞長孫仔智威(Solomon,所羅門)自2013開始拍拖,二人拍拖期間表現恩愛,仲不時去旅行,曾講過想30歲前結婚生仔嘅佢,突然喺社交網拍短片自爆已分手變回單身,真係嚇親好多人。

佢仲教大家點樣面對分手,調整心情:「其實好多人都察覺到我ig無見Solomon喺度,好多人都關心我喺咪仲同佢喺埋一齊,我覺得應該要同大家交代聲啦,始終大家識我嘅時候我已經同佢一齊,我同佢一齊都差唔多六年啦,其實我同佢已經散咗三個月,我哋係二月中、二月尾散嘅,點解依家先同大家講呢?因為我唔知點開口!」講到呢度佢開始哽咽,就繼續話:「比較尷尬。始終係兩個人嘅事,但同一時間我想對大家真實,我想大家知我近況同分享我嘅經驗,始終之前啱啱分手有點敏感,依家要過咗一段時間心情先平伏。」

佢又話自己曾經拍過五次拖,依家愈來愈大覺得要學識睇開啲,仲叫大家分手唔好太唔開心,人生有好多嘢,感受只係係暫時性,時間係可以沖淡一切。




來源 source: http://hk.on.cc
鍾意就快D Share啦!