掃呢頁CODE去手機

2019年6月7日 星期五

尼馬:【有片】尼馬坐輪椅去警局 贊助商大撤退! __,尼馬,

《彩報》豪裝,入市即贏!撳撳呢條Link,寶藏等你拎:http://win.on.cc/football/ 巴西球星尼馬周四(6號)重傷宣布緣盡美洲國 ...




《彩報》豪裝,入市即贏!撳撳呢條Link,寶藏等你拎:http://win.on.cc/football/ 

巴西球星尼馬周四(6號)重傷宣布緣盡美洲國家盃後,周五(7號)立即為佢嘅強姦案官司準備,佢喺律師陪同下坐住輪椅去到里約熱內盧北部一間警局,就強姦案作供,警局外一早已有大批傳媒、球迷等候,場面相當墟冚。

尼馬入到警局之後,要離開輪椅拎柺杖「跳」入去作供室,接近2個鐘頭先至完成,尼馬離開警局嗰陣表示:「我只係想講,好多謝大家對我嘅支持,多謝我嘅朋友、球迷,你哋令我感受到愛。」

不過,受到強姦醜聞困擾下,盛傳尼馬多個主要贊助商正準備「大撤退」,率先表態嘅係喺體壇影響力極大嘅Mastercard,佢哋本來為美洲國家盃安排咗以尼馬為主角嘅龐大宣傳計劃,但Mastercard宣布:「我哋喺賽事(美洲盃)期間有多個市場活動,但因為今次事件(尼馬官司),我哋決定暫停所有計劃,直到事件解決為止。」

另外,運動品牌Nike亦發聲明表示:「我哋非常關注呢次指控,將會密切留意事態發展。」至於上年分別推出尼馬廣告嘅麥當勞同吉列,就強調同尼馬已經冇任何合約關係,劃清界線。

據《福布斯》喺2017年嘅統計,尼馬每年廣告收入高達1,700萬美金。巴西上年世界盃之後,因為攞唔到冠軍,當時有估計尼馬商業價值跌咗約11個%,今次影響肯定仲大。

立即參加「賞您睇」:http://bit.ly/2JWKULh 

Click下面粒掣,儲on.cc coins!機票、家電、超市禮券、過萬份獎品等緊你。




來源 source: http://hk.on.cc
鍾意就快D Share啦!