崔嘉寶86年參選港姐，一如不少女孩子心態，讀完書後找不到工作，所以姑且參加試一試。
那一年港姐選美，吳婉芳和倪萱彤都是坐亞望冠的頂頭大熱，結果爆大冷由李美珊奪冠，吳婉芳和倪萱彤只得亞軍和季軍，全城觀眾大喝倒采，批評李美珊樣子完全比不上吳、倪，又狂踩青春小姐蘇嘉寶不青春，全城造馬之聲不絕，成歷年賽果最惹爭議的一屆港姐。
身為那一屆落選港姐，又可覺不公？
「冇。我哋有相處，相處時，我係好鍾意Robin（李美珊），因為佢好陽光，佢外國返嚟，見識又多，好叻女，讀書又多。揀一個香港人做親善大使代表香港，我覺得學識好緊要。啲人成日話港姐要美貌與智慧並重，其實Robin嗰時都好陽光，又夠高，唔係我哋一般人眼中嘅靚，但同佢相處過嘅人，都感受到佢嗰份活力，我諗評判同我哋interview好多次都感受到呢樣嘢，我覺得冇乜內幕。」
崔嘉寶笑言心目中冠軍雖是自己，但決賽當晚公佈賽果一刻，聞得台下有人嗌自己參選6號號碼時，竟不期然害怕起來。「我好驚，心諗千祈唔好嗌我出去。因為知自己細路女，18歲，只係讀完書就去玩。當宣佈嗰剎那，突然覺得『死喇！』如果我做咗冠軍咁點呀？我係完全唔可以代表香港去做任何嘢㗎，所以我就好驚好驚，好彩最後嗌我隔籬嘅8號Robin，我係開心過Robin㗎，我係戥佢開心。」
友誼第一，比賽第二，過去30多年來，崔嘉寶仍有跟移居西班牙的李美珊及其他港姐保持聯絡。而崔嘉寶跟老公周文曦認識，其實是那一屆港姐朋友做媒。
「嗰陣我好忙，拍緊《金牙大狀》第一集，朋友話有男仔介紹我識，我推咗好耐，朋友鍥而不捨，又話要敍舊，咁就抽個時間食飯，之後成班朋友一齊去卡拉OK。咁我又冇所謂，去到朋友無端端叫我坐嗰邊，我心諗成間房我只係識你啫，點解唔係同你坐，而係同其他人坐？原來佢介紹嗰個男仔（周文曦）出嚟，似係焗我去相睇。」
原來周文曦曾經在一間coffee shop見過崔嘉寶，當時互不認識，但男方就對女方一見鍾情。「佢對我好有印象，但原來唔知我係演員，有一次佢喺雜誌見到我，就同個朋友講：『我嗰日見到就係呢個女仔喇！』佢嗰個朋友嘅女友就係我以前選港姐個朋友，所以就搵我女朋友叫我出嚟，想識我。」
朋友做媒造就了崔嘉寶跟周文曦美滿婚姻，崔嘉寶生下的三子女都遺傳了爸爸基因生得高頭大馬，其中21歲大仔周志仁去年成為足球員踢港超聯，跟爹哋一樣熱愛足球運動。
採訪：戴彩煥
攝錄：廖達燊
攝影：沈健程
--------------------------------
【六四30】守住歷史 拒絕遺忘
https://hk.adai.ly/zdzKtt2RiW
--------------------------------
【記住63836568】全民爆相爆片！下一個爆料王就係你
https://bit.ly/2Guolu9
| | | |
| | | |
| | | |
| | | |
| |
|
鍾意就快D Share啦！
|
|
|
