韓國神劇《太陽的後裔》宋仲基和宋慧喬今日宣佈離婚消息，震驚全城。
離婚消息公開後，雙宋亦透過事務所回應，當中喬妹表示因二人性格不合而決定離婚。而雙宋離婚眾說紛紜，網上亦有不少揣測，更流傳宋仲基的師弟兼好友朴寶劍介入雙宋婚姻，事關37歲的喬妹早前和26歲的朴寶劍出演《男朋友》，兩人年齡雖然相差11歲，但無損兩人演愛情戲，在劇中不乏咀戲，因而被人揣測會否咀出愛火。事關喬妹經常與男對手撻着，曾與拍檔李秉憲及玄彬拍拖，亦與Rain、姜棟元等對手傳出緋聞。
對於朴寶劍被指介入雙宋婚姻，朴寶劍所屬的事務所隨即發表聲明：「今日上午宋仲基和宋慧喬宣佈離婚消息後，估唔到宋仲基同門師弟、曾經同喬妹合作嘅朴寶劍會被小道消息提及，在雙宋離婚嘅新聞中提到朴寶劍嘅名字係好唔恰當，經理人公司方面也會對相關毫無依據嘅傳聞採取強硬措施應對，日後亦會通過法律措施處理。」
-----------------------------
7月4日起 《蘋果動新聞》只限升級壹會員閱覽
繼續撐蘋果！
| 左起：朴寶劍、宋慧喬、劉亞仁、宋仲基 | | |
|
鍾意就快D Share啦！
|
|
|
