掃呢頁CODE去手機

2019年6月26日 星期三

楊千嬅:阿媽仆完到個女!千嬅勁舞出事撻到應 __,楊千嬅,

咁唔小心呀!歌手楊千嬅3月底在廣州展開首個世界巡迴演唱會,剛過去的周末,唱到第7站澳門,完成首場演出後,千嬅大爆母親到佛山捧場時,不慎跌倒仆到甩牙,流 ...


咁唔小心呀!


歌手楊千嬅3月底在廣州展開首個世界巡迴演唱會,剛過去的周末,唱到第7站澳門,完成首場演出後,千嬅大爆母親到佛山捧場時,不慎跌倒仆到甩牙,流到一身血,她當時更笑言幸而自己以前曾做護士,立即使出所學伎倆為阿媽「急救」,沒料到第二場表演時,就輪到千嬅「出事」。

穿上紫紅色Jumpsuit的她,一連跳唱多首快歌,包括《處處吻》、《烈女》等。當與舞蹈員大跳《繼續努力》時,千嬅右腳踢起後,懷疑絆到左腳,即時失去平衡向後成個身重重地跌坐於舞台上,力度絕對不輕,舞蹈員亦被嚇親,見狀即時扶起她。千嬅亦臨危不亂,起身後繼續跳舞,果然有天后風範,但台下歌迷就大為心痛,嚇到尖叫。

對於「舞出事」,東網聯絡上千嬅,她解釋:「因為嗰個70年代嘅造型,着住條喇叭褲,當時係被條褲腳嘅珠片『Kick』到,一嘢撻咗落去。」雖然仆親,千嬅亦只能忍痛繼續跳,她笑言:「仆街都要專業!」完騷後「驗傷」才發現隻腳撞瘀黑晒,她再次重拾護士伎倆,即時敷冰又按摩推散瘀血,沒有扭傷算是不幸中之大幸,她說:「好彩係喺舞台,唔係發生喺升降台上面,唔係就大鑊喇。」至於老公丁子高在台下都被她嚇親,幸而有驚無險,相信不會影響周末轉戰北京開騷,千嬅坦言屆時會打起十二分精神,安全至上。

---------------

立即參加「賞您睇」: http://bit.ly/2JWKULh

Click下面粒掣,儲on.cc coins!機票、家電、超市禮券、過萬份獎品等緊你。




來源 source: http://hk.on.cc
鍾意就快D Share啦!