掃呢頁CODE去手機

2019年6月6日 星期四

【引渡惡法】黃寶欣稱作為港人要了解 林利:唔係好注意呢啲問題 __,林利,黃寶欣,

 (攝影:沈健程)
胡渭康、林利、何婉盈、黃翊及黃寶欣等今日在中環為九月於伊館舉行的《記得......我們的主打歌演唱會》宣傳,早前求婚成功的林利成胡渭康取笑目標,笑指他 ...


胡渭康、林利、何婉盈、黃翊及黃寶欣等今日在中環為九月於伊館舉行的《記得......我們的主打歌演唱會》宣傳,早前求婚成功的林利成胡渭康取笑目標,笑指他與台灣最有默契:「我哋都唔係最有默契,不過我哋識咗近40年。」林利即甜絲絲坦承鍾情台灣。



受訪時,林利透露月底將與女友在香港註冊:「等我拍完劇、做埋演唱會,年底就返台灣註冊,會同朋友私人食餐飯,唔會大搞啦。」他坦言成功求婚後,感覺淡定不少:「有個伴,呢個係人生中最想要嘅,媽咪都好開心。」他又計劃與未婚妻坐郵輪旅行結婚,亦已邀請攝影師同行拍照留念:「我鍾意生活化啲,唔使刻意影結婚相,我哋會喺歐洲米蘭坐郵輪,順便度蜜月,大約去十幾日,年尾先去。」



問到求婚時女友有否感動流淚?林利說:「佢有呀,其實我都冇特別計劃。嗰日喺圓方買咗隻戒指,去機場接佢機,就跪低求佢嫁俾我,因為大家好夾,我今年都五十二,仲有機會生小朋友,我都希望自然有嘅,杜德偉大過我都生到啦。」



提到馮鎵瀠(Naomi)於網上爆料,指林利未婚妻曾介入她的戀情,林利直言大家互不認識,不明白對方用意,但他與未婚妻未有受事件影響心情。他說:「成件事幾無謂,畀個機會人哋上報紙囉,我哋根本冇交流,見都未見過。」



對於周日將舉行的反《逃犯條例》遊行,林利表示有留意新聞,但冇刻意去想支持與否:「我唔係好注意呢啲問題。」



黃寶欣久休復出,她坦言是同學會打動自己:「我好開心,因為新秀之後,冇試過同其他人連續幾個月互動,感覺好似回復青春,返去十八、九歲嘅感覺。」她自嘲是上了年紀的人,經常會想當年,而且這次演唱會主題,令她有很多回憶,有很多情懷。黃寶欣透露將會跳舞,但未知是否能應付:「而家未開始練歌,最緊要練好個狀態、操弗自己先,不過我都跑咗步年幾,靈活咗。」



至於周日的反《逃犯條例》遊行,黃寶欣自言只是普通婦孺未深入了解:「我知作為香港人要了解下嘅,畀少少時間我先。」



------------------------------

新聞有價 你肯為《蘋果動新聞》付幾多錢?

https://hk.adai.ly/QDTT6y5mgX

--------------------------------

【記住63836568】全民爆相爆片!下一個爆料王就係你

https://bit.ly/2Guolu9



 對於九號將舉行的反《逃犯條例》遊行,林利表示有留意新聞,但冇刻意去想支持與否。 對於九號將舉行的反《逃犯條例》遊行,林利表示有留意新聞,但冇刻意去想支持與否。
 黃寶欣久休復出,她坦言是同學會打動自己。

黃寶欣久休復出,她坦言是同學會打動自己。
 胡渭康、林利、何婉盈、黃翊及黃寶欣等今日在中環為九月演唱會宣傳。

胡渭康、林利、何婉盈、黃翊及黃寶欣等今日在中環為九月演唱會宣傳。
胡渭康取笑早前求婚成功的林利。

胡渭康取笑早前求婚成功的林利。
 黃翊

黃翊

鍾意就快D Share啦!