掃呢頁CODE去手機

2019年6月7日 星期五

朱凱婷:游龍舟水應節!朱凱婷晒胸撼譚嘉儀露腿 __,周嘉儀,朱凱婷,譚嘉儀,

朱凱婷(左圖)同譚嘉儀各有美態!今日係端午佳節,唔知大家有冇游吓龍舟水應節呢?藝人朱凱婷就着上DeepV一件頭泳衣去泳池暢泳,仲影靚相派福利畀大家添! ...


朱凱婷(左圖)同譚嘉儀各有美態!


今日係端午佳節,唔知大家有冇游吓龍舟水應節呢?藝人朱凱婷就着上Deep V一件頭泳衣去泳池暢泳,仲影靚相派福利畀大家添!佢留言:「Are u enjoying dragon boat festival swim? I am.........(你係咪享受緊游龍舟水?我係...)」佢仲講明啲相係「老公視角」,唔怪得影得特別靚連宋熙年見到佢咁火辣,都忍唔住留言嗌「Woooowww」,其他網友都話佢真係好性感!

另一邊廂,歌手譚嘉儀就分享玩Wake Surf嘅相祝大家端午節快樂,雖然佢着上密實長袖泳衣,但就露出一對美腿,一樣相當有睇頭!佢留言:「端午節快樂❤️❤️❤️第一次玩Wake Surf😍 真係有啲緊張!跌落水嗰吓真係會打觔斗🤣🤣不過好刺激😛#我個姿勢仲係好奇怪🤣#第一次玩唔好笑我啦😛😛」真係太謙虛喇!網友都大讚佢有姿勢又有實際呀!

無獨有偶,名模馬詩慧二女王麗嘉(Irisa)今日亦都出咗海,仲着住露腰上衣、下身配搭三角形高衩泳褲影相派福利。雖然上身難得密實,但大騷纖腰同無敵長腿,一樣冇得輸!

---------------

立即參加「賞您睇」: http://bit.ly/2JWKULh

Click下面粒掣,儲on.cc coins!機票、家電、超市禮券、過萬份獎品等緊你。




來源 source: http://hk.on.cc
鍾意就快D Share啦!