2019年6月17日 星期一

娛樂專題:周家怡冰島追極光 橫風橫雨搵秘景 __,周家怡,

12日的旅程,三分一時間都落雨其實都幾灰!藝人周家怡早前與友人到冰島遊玩,12日的旅程,三分一時間都落雨,經常全身濕透,但依然無損她「豪歎」美景的心情 ...


12日的旅程,三分一時間都落雨其實都幾灰!


藝人周家怡早前與友人到冰島遊玩,12日的旅程,三分一時間都落雨,經常全身濕透,但依然無損她「豪歎」美景的心情,穿過瀑布、行勻博物館,少點體力也不行,不過,能夠見到近在咫尺的北極光,令家怡大呼不枉此行,並希望大家一起保護地球,力保自然美景!

平原內暗藏瀑布

冰島之行頭四日,天天落雨,每日都由頭濕到腳,天氣很難預測。去到Skaftafell Glacier冰川,烈風可以吹郁一個人,試過有旅客自駕遊,一落車連車門都吹甩,真是少點力量都好難企穩。

家怡表示:「到Reynisfjara Beach黑沙灘情況都一樣,亦係橫風橫雨,成日都冇乾身過,去到Seljalandsfoss時,感覺都幾特別,因為我哋明明去到一個平原,完全預計唔到會有瀑布,但行咗一段時間,終於見到,仲可以行入去個瀑布入面,當然成個過程要有一定體力,但係能夠見到咁多特色嘅美景,真係大開眼界!」

龍蝦湯一試難忘

去到冰島,當然要追蹤北極光,但不是個個都能夠幸運地見到這種絕色美景,家怡自言今次非常好運:「我哋去到Akureyri時,終於見到北極光,真係好好彩,因為始終有光害。我哋揸車行咗十分鐘左右,去到一個較黑嘅地方,享受美景,呢個真係整個行程最重要嘅一環,個景靚到不能用筆墨來形容。」

除了美景,當然也有美食,家怡嘗到一個超級美味的龍蝦湯,令她一試難忘:「呢個龍蝦湯,真係全世界最好飲,佢唔係Creamy嗰啲,係稀稀哋嘅,但非常鮮甜!」

冰川暖化隨時消失

今次之行,家怡除睇美景外,亦有去參觀博物館,當中提及冰川受到氣候暖化的威脅,隨時會全部溶化,令不少人為之動容:「博物館由1800年開始,展示冰川每十年嘅轉變,近呢十年冰川溶得好快,一路睇落去,好多人都會睇到喊,成個大自然不斷咁保護緊我哋,但人類就不斷做一啲傷害大自然嘅嘢,破瓌地球,令到氣候暖化,再咁落去,冰川都好快會溶晒,唔少人睇完呢個展覽都會掛牌留言,大部分人都係寫拯救地球或者希望地球健康!呢個亦係好多人嘅心願。」

---------------

立即參加「賞您睇」: http://bit.ly/2JWKULh

Click下面粒掣,儲on.cc coins!機票、家電、超市禮券、過萬份獎品等緊你。




來源 source: http://hk.on.cc
鍾意就快D Share啦!
Related Posts Plugin for WordPress, Blogger...