掃呢頁CODE去手機

2019年6月27日 星期四

雙宋離婚:宋慧喬宋仲基離婚有先兆 一切從戒指說起 __,宋仲基,宋慧喬,雙宋,

可惜呀!韓國藝人宋慧喬與宋仲基突然宣布離婚,消息震驚亞洲娛樂圈,其實翻查資料,佢哋嘅關係出現問題已經有一段時間,細數一切源頭,就要由一隻戒指開始講起。 ...


可惜呀!


韓國藝人宋慧喬與宋仲基突然宣布離婚,消息震驚亞洲娛樂圈,其實翻查資料,佢哋嘅關係出現問題已經有一段時間,細數一切源頭,就要由一隻戒指開始講起。

「雙宋」合作《太陽的後裔》時被喻為金童玉女組合,唔少粉絲都希望佢哋在一起,終於喺2017年佢哋有好消息宣布結婚,當時一眾粉絲們都戥佢哋高興齊齊送上祝福,但好景不常,有傳宋仲基父母對新抱年紀較兒子大有所不滿,其後更有指女造型師介入導致婚姻破裂,不以上嘅傳聞均被否認。

直至今年年頭,宋仲基去新加坡工作時,網民發現佢手上空空如也冇戴結婚戒指,自結婚後呢個情況都係第一次出現,加上隨後宋慧喬突然喺社交網刪除大量佢哋嘅合照,令到消息甚囂塵上。其後宋慧喬現身機場時,一向婚戒不離手嘅佢竟然同樣冇戴戒指,唔少網民都話對佢哋嘅婚姻狀況好擔心,但雙方保持低調的態度,嚟到今日,雙方經理人公司終於發聲明證實協議離婚。

---------------

立即參加「賞您睇」: http://bit.ly/2JWKULh

Click下面粒掣,儲on.cc coins!機票、家電、超市禮券、過萬份獎品等緊你。




來源 source: http://hk.on.cc
鍾意就快D Share啦!