掃呢頁CODE去手機

2019年6月25日 星期二

不怕火辣身材女友呷醋 金剛小儀頭貼頭表現親暱 __,小儀,金剛,

金剛一向好識食,身邊女伴個個有樣有身材,現任新歡Nana都唔例外,而且大方肯露,又比金剛年輕10歲,真係嗒得杯落。已經將事業重心轉離香港嘅金剛,早前帶 ...




金剛一向好識食,身邊女伴個個有樣有身材,現任新歡Nana都唔例外,而且大方肯露,又比金剛年輕10歲,真係嗒得杯落。

已經將事業重心轉離香港嘅金剛,早前帶埋女友返港,仲帶出去見老友,親自介紹畀班朋友識,包括之前合作開又傳過緋聞嘅小儀。

佢哋一行人喺「港女蛋糕店」聚餐,不嬲搞笑又口水多過茶嘅金剛梗係吹唔停啦,但原來佢女友Nana都好好相與,三唔識七第一次見已經好玩得,傾到手舞足蹈不特止,仲企埋起身跳埋舞,相當活潑,難怪同金剛啱key。

BTW,雖然靚女友就喺身邊,但金剛無避忌,同前緋聞對象小儀傾得好埋,仲頭貼頭合照。又難怪,二人話晒合作過7輯《街坊食神》,大大話話約100集,自然有非一般嘅partner感情。

飲飽食醉,由小儀簽卡再夾返錢,散band。之後,金剛又帶女友出席六師弟林子聰囡囡嘅百日宴。不停帶女友見人,唔通金剛認定枕邊人準備做人夫?

立即下載APP,精彩內容壹手掌握

下載連結: http://bit.ly/Next29App

如對會員訂閱制有遇到任何問題或意見,你可以致電 2623 9985,或電郵聯絡客戶服務主任cs@nextdigital.com.hk,我們定當盡力協助!

鍾意就快D Share啦!