2019年6月14日 星期五

李克勤 盧淑儀特訓兩個仔做球王 夫婦變魔鬼哥爾夫球教練! __,李克勤,盧淑儀,

李克勤
李克勤盧淑儀特訓兩個仔做球王夫婦變魔鬼哥爾夫球教練!除咗鍾意唱歌,李克勤最大嗜好還有踢波同打波,同老婆盧淑儀更喜好一致,除咗係超級曼聯擁躉,夫婦同時迷 ...


李克勤 盧淑儀特訓兩個仔做球王 夫婦變魔鬼哥爾夫球教練!



除咗鍾意唱歌,李克勤最大嗜好還有踢波同打波,同老婆盧淑儀更喜好一致,除咗係超級曼聯擁躉,夫婦同時迷上 打羽毛球及哥爾夫球。近期兩個仔就由羽毛球迷變埋哥爾夫球迷,有廿四孝好媽做教練貼身傳授絕技,兩子球技進步神速,日前,克勤全家出動到深水灣球會打Golf家庭樂,兩個仔全程表現興奮打到唔捨得走,得父母真傳睇怕好快青出於藍!

撰文:東方新地|圖片:東方新地





李克勤 盧淑儀 特訓兩個仔做球王

日前,克勤趁假期一家四口到深水灣打波,當日下午四時許,李太盧淑儀駕車載大仔R y a n 到達球會,原來克勤同細仔Rex一早在內練波,李太會合老公後,夫婦分開一人教一個,絕不偏心,不過攞咗專業教練牌的李太,手法純熟球技了得,在球場上不時大顯身手,

李克勤
雖然近年愛上打羽毛球,更同一班國家隊羽毛球精英打成一片、不時切磋,不過,克勤夫婦對打Golf始終情有獨鍾,早前克勤趁假期全家出動到深水灣哥爾夫球場打波。

全家打波家庭樂,更打足成個下晝,玩到傍晚才盡興回家,李氏夫婦亦訓練 大仔自己球棍自己拎。





而大部分時間,兩個仔都會跟住媽媽練習,廿四孝好爸克勤,睇住老婆教仔已經甜在心頭,更不時幫個仔整理衣服,又幫手執波,見兒子姿勢唔正確會即時指導,陪玩已經係樂趣,呢啲咪係模範好爸好老公囉!

克勤細心指導11歲大仔Ryan打波技巧。

打 Golf打到攞埋哥爾夫球教練牌的盧淑儀,當日在球場上大展身手,近期見兩個仔 Ryan及Rex 對打Golf開始有興趣,李太實行變身教練培訓兒子。



據知情者透露:「 有段時間,克勤同老婆瘋狂迷上打Golf,兩夫婦為咗打波專登搬近清水灣球會,克勤每朝早要打完波先開 工,李太愛打Golf愛到去球會打咗幾個月工,到依家佢都好享受 嗰次嘅體驗,之後仲考埋專業嘅教練牌,不過,兩個仔出世之 後,因為要全副精神照顧兒子,李太連自己興趣都放低埋。反而係近期攞番球桿,又瘋狂鍾意番打Golf,不過最緊要都係,兩個 仔喺佢教導之下,都鍾意埋呢種運動,特別係細仔 Rex,超級有興 趣,咁佢可以陪住兩個仔一齊打,將自己興趣同經驗同啲仔分享 就更加開心!」



第二日,李太盧淑儀再帶細仔Rex出動到球場練波, 廿四孝好媽親力親為貼身教導,Rex學咗冇耐已經打得有板有眼。

對兒子錫到燶的盧淑儀,教仔打波非常認真,除細心指導Rex技術,更訓練兒子獨立和自律,教Rex打完波自己執波。



同老婆盧淑儀都係運動迷的李克勤,近期同一班國家隊羽毛球精英打成一片,早前就同老婆專登飛南寧睇蘇迪曼杯捧國家隊 好友場,即使忙到要攝時間頻撲睇球賽亦非常享受。工作完畢回家就變Family Man的克勤,生活離不開唱歌同運動,相對打羽毛球,克勤夫婦其實早就瘋狂愛上打哥爾夫球,老婆盧淑儀更考埋哥爾夫球專業教練牌,還有克勤爸爸亦愛打Golf,依家夫婦將球技傳授埋給兩個仔,隨時可以三代同堂切磋球技,的確係一大樂事。



克勤話打Golf好處係可以邊打波邊吹水,當日打波期間,在場遇到波友,克勤同對方好好傾。

9歲細仔Rex活潑好動,似乎比哥哥更愛打 Golf,當日見他打到唔捨得走,更打得有板有眼。










鍾意就快D Share啦!
Related Posts Plugin for WordPress, Blogger...