馬上成為壹會員
會員專區 只限會員閱讀
有啲傷口，尤其親情，真係唔知何時先可以癒合復元。好
尋日出街嗰集《如果這樣生活》，出場嘅張頴康，提及四歲時，遭媽媽遺棄嘅感受，男兒淚又再一次缺提一樣。同三年前，本刊向佢求証呢件家事時，反應同樣激動傷痛，嗰根刺一直留喺佢個心。
節目中佢講到四歲時，有日媽媽問佢想跟媽咪定爸爸，但當時年紀小細嘅張頴康，因為想繼續見奶奶，於是答咗跟爸爸。佢話無諗過嗰次放開媽媽對手，從此就再無見過佢。
之後有26年嘅生日，佢都係喊住度過，因為每次生日，佢都好掛住失聯多年嘅媽媽。
其實三年前，本刊向佢求証，第一次公開講呢件事嘅張頴康，談到想唔想見番媽媽時，佢一度情緒失控，突然爆喊咁話:「唔敢幼想呢個畫面。你問我想唔想？我當然想，但……」。說到此，張頴康已經喊到無辦法再講落去。之後佢補充，曾經有嬲過媽媽點解唔要佢，但同樣亦嬲自己當日(四歲時)，點解唔捉實媽媽對手跟佢走，怪自己冇跟佢走嘅「決定」，令佢從此失去母愛。
一三年，佢拍《師父明白了》，有場佢同羅蘭母子相認戲份，因為觸動佢傷口，當場戲假情真，喊得收唔到聲。
當年媽媽狼心一走了之，而爸爸之後亦另娶老婆，長居內地長期缺乏父母嘅愛，以為自己永遠得唔到家庭溫暖。
直至認識到依家嘅老婆麥雅緻，一齊組織家庭，又生咗一對可愛嘅仔女，令張頴康從一個完整家庭，彌補失去嘅愛。
先苦後甜，張頴康萬事以家庭為重，喺大台係出咗名，抗誘能力高嘅顧家男。16年佢奪得大台嘅「飛躍進步男藝員」獎，除咗贏演技，佢愛家形象亦嬴民心。
立即下載APP，精彩內容壹手掌握
如對會員訂閱制遇到任何問題或意見，你可以致電 2623 9985，或電郵聯絡客戶服務主任cs@nextdigital.com.hk，我們定當盡力協助！
來源 source: http://nextplus.nextmedia.com
|
鍾意就快D Share啦！
|
|
|
