掃呢頁CODE去手機

2019年6月17日 星期一

做《愛.回家》戲假情真? 「細龍太」陳偉琪密會人夫鄭世豪 __,《愛.回家》,鄭世豪,陳偉琪,

鄭世豪與陳偉琪沿途有講有笑,被途人認出都冇避忌。
做《愛.回家》戲假情真?「細龍太」陳偉琪密會人夫鄭世豪有婦之夫鄭世豪,日前被發現與「咪神」拍檔陳偉琪私會食飯,全程密密傾,飯後更同車離開,關係非一般! ...


做《愛.回家》戲假情真? 「細龍太」陳偉琪密會人夫鄭世豪

有婦之夫鄭世豪,日前被發現與「咪神」拍檔陳偉琪私會食飯,全程密密傾,飯後更同車離開,關係非一般!兩人在《愛.回家》搞笑夫妻形象入晒屋,私下又常在社交平台攬實放閃晒恩愛,她甚至以「老公」稱呼對方!

近期憑《愛.回家之開心速遞》搞笑騎呢夫妻形象出位的「細龍生」鄭世豪與「細龍太」陳偉琪(Vicky),經常要為劇集密密開工,結婚五年多的鄭世豪見對方多過見老婆,感情可謂一日千里!熱情的Vicky又在社交平台以「老公」稱呼鄭世豪,還上載相擁照放閃,以為這對螢幕夫妻只是太過投入角色,但原來連私下都有密會!

這對疑似戲假情真的「細龍生」與「細龍太」,日前被發現到尖沙咀私會食飯,當日鄭世豪先抵達餐廳等候,未幾便見穿上背心長裙的Vicky靚靚到場,坐下後開始密密傾,鄭世豪還傾到手舞足蹈,Vicky則邊聽邊甜笑!傾至尾聲,兩人互相拍照,你影我、我影你,看似相當甜蜜!食飽飽後,他倆一起行去停車場取車,期間被不少途人認出,向「細龍生」及「細龍太」打招呼,有清潔姐姐更猶如見到朋友一樣,走到兩人身邊談天,足證形象相當入屋。抵達停車場後,Vicky做「柴可夫」載鄭世豪一起離開,明顯有下文。

兩人並肩而行,一度疑似拖手!
  • 兩人並肩而行,一度疑似拖手!
你影我、我影你,影完睇相勁Sweet!

  • 你影我、我影你,影完睇相勁Sweet!

見埋阿媽 叫定「外母」

事後,記者致電兩人求證,問到是否拍劇撻着?他倆齊聲否認,已婚的鄭世豪笑說:「我同佢冇可能我好愛我老婆o架!嗰日係因為我哋有Job要一齊做,所以約食飯傾吓啲細節。」Vicky亦笑說:「我同佢太太見過o架喇!我哋第一次拍咀戲嗰日,佢太太嚟咗,佢哋好恩愛o架。」鄭世豪雖心有所屬,但對Vicky這位「太太」依然有讚無彈:「佢好開朗、好Nice,拍戲又好用心,我啲朋友依家見到我,猛問我幾時可以見到『細龍太』。我同佢都喜歡打籃球,約咗兩年最近終於約到,我班朋友不知幾開心。」Vicky則指鄭世豪似「大哥哥」愛照顧別人,亦很識氹老人家:「記得有一次,我媽咪嚟接我收工,我車埋蘇恩慈同佢過海,佢第一句叫我媽咪做外母,媽咪都覺得佢個人幾搞笑。」兩人還因搞笑夫妻形象入晒屋,開始以「情侶檔」接Job搵真銀。

陳偉琪不時上載與鄭世豪的合照,送波餅又嗌「老公」!

  • 陳偉琪不時上載與鄭世豪的合照,送波餅又嗌「老公」!
陳偉琪駕車載鄭世豪離開,解釋只是一齊有Job做。

  • 陳偉琪駕車載鄭世豪離開,解釋只是一齊有Job做。





鍾意就快D Share啦!