網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年6月27日 星期四

【情侶位原本屬於李佳芯】唐詩詠疑染中東呼吸綜合症 馬國明硬闖急症室照顧 __,唐詩詠,李佳芯,馬國明,

《白色強人》熱播,睇到觀眾好肉緊,特別係馬國明、唐詩詠同李佳芯嘅三角感情線。嚟緊呢兩晚,觀眾就會知道馬明點揀喇!先講地盤發生意外,蘇怡、洛雯齊齊入咗現 ...




《白色強人》熱播,睇到觀眾好肉緊,特別係馬國明、唐詩詠同李佳芯嘅三角感情線。嚟緊呢兩晚,觀眾就會知道馬明點揀喇!先講地盤發生意外,蘇怡、洛雯齊齊入咗現場拯救傷者。有傷者被鋼筋刺穿胸口,洛雯冒險為傷者就地開胸止血,可惜送醫院後證實受感染死亡,洛雯搵唐明傾訴。

急症室出現疑似中東呼吸綜合症個案,整個急症室被封鎖,醫護人員要即時隔離,唐明勁擔心蘇怡,因為蘇怡喺急症室內為孕婦緊急接生。蘇怡出現發燒及咳嗽症狀,唐明見有異樣,硬闖入急症室照顧佢,仲承諾會一直陪住佢,講到呢度,大家都知佢兩個會復合原本《白色強人》嘅感情線係馬明同唐詩詠離婚後成好友,然後李佳芯同馬明一齊,不過,「安心事件」發生後,突然改咗劇情係馬明同唐詩詠復合,唔知同「安心事件」有冇關呢?

唐詩詠入行咁多年,都有班圈內朋友,好似早前拍《唐人街》,同王君馨friend咗,會齊齊去澳門睇Black pink演唱會。連趕拍咗幾套劇嘅佢終於有得放假休息吓,呢日約咗《白色強人》劇內做副顧問護士嘅Macy吳沚默high tea。兩個人好似好多話題咁,勁好傾,傾夠食飽先離開。問唐詩詠有關專欄作家葉朗程,成日寫啲嘢暗示同佢好熟,佢耍手又擰頭!佢話:「我都唔知邊個嗰個人,我唔識架!唔識架,我真係唔識架!Bye Bye!」連講咗三次唔識,好喇好喇,梗信你啦唐詩詠!

攝錄:陳亦龍

立即下載APP,精彩內容壹手掌握

下載連結: http://bit.ly/Next29App

如對會員訂閱制有遇到任何問題或意見,你可以致電 2623 9985,或電郵聯絡客戶服務主任cs@nextdigital.com.hk,我們定當盡力協助!

鍾意就快D Share啦!