掃呢頁CODE去手機

2019年6月29日 星期六

隋棠:一家五口去旅行!隋棠爆老公玩到忘晒形 __,隋棠,

隋棠一家五口齊齊去北海道旅行。台灣女星隋棠同老公Tony婚後生咗Max、Lucy同Olie三個寶貝,雖然隋棠工作繁忙,但依然事業家庭兩不誤,除咗會帶埋 ...


隋棠一家五口齊齊去北海道旅行。


台灣女星隋棠同老公Tony婚後生咗Max、Lucy同Olie三個寶貝,雖然隋棠工作繁忙,但依然事業家庭兩不誤,除咗會帶埋囝囝返工之外,亦會爭取時間共享天倫!日前佢就同老公挑戰帶三個小朋友一齊去旅行,由於佢哋係第一次一家五口去旅行,所以就近近地揀咗日本北海道。隋棠呢日分享去室內溫水海灘玩嘅相,見到Max、Lucy玩得不亦樂乎,而細仔Olie就張張相都一副「我是誰?我在哪?我要做甚麼?」嘅樣,個樣比較老積嘅佢仲趴喺浮床上皺住眉咁流口水,反差萌令網友大讚可愛!

隋棠仲留言大爆老公玩到忘晒形:「玩了幾天下來,最常看到的畫面就是,忘我的大人和驚恐的寶寶😆因為它每隔一段時間會出現人造海浪,這時就會看到一些玩心被大激發的爸爸或媽媽,帶着小小孩往浪裏直直衝,但無奈浪比孩高,加上室內嘻笑聲、海浪聲不絕於耳,讓父母壓根聽不到小小孩們在後頭驚恐的哭喊。嗯哼,我決不會在最後一張照片中透露⋯Tony哥也是其中之一!」見相入面Tony推住坐喺浮床嘅Max同Lucy衝浪,完全冇發現啲浪冚晒落兩兄妹度令佢哋有啲驚慌,反而Max就有做好大哥哥嘅職責,攬實Lucy保護妹妹,認真乖仔!

---------------

立即參加「賞您睇」: http://bit.ly/2JWKULh

Click下面粒掣,儲on.cc coins!機票、家電、超市禮券、過萬份獎品等緊你。




來源 source: http://hk.on.cc
鍾意就快D Share啦!