掃呢頁CODE去手機

2019年6月7日 星期五

專案生活:你要知: 臉上癦痣愈長愈大 黑色素定皮膚癌靠識別 __,癌,

後天長癦屬正常現象,識得分辨癦痣好與壞好重要。(關萬亨攝)雖說人各有「痣」,但臉上突然多咗幾粒「痣」又怕唔怕?癦有分先天同後天,其實兩者都好常見,一般 ...


後天長癦屬正常現象,識得分辨癦痣好與壞好重要。(關萬亨攝)


雖說人各有「痣」,但臉上突然多咗幾粒「痣」又怕唔怕?癦有分先天同後天,其實兩者都好常見,一般後天增生的癦屎跟紫外線有莫大關係,到底如何分辨是一般黑色素還是皮膚癌?哪些人特別容易增生癦屎?皮膚科專科醫生陳厚毅就為大家一一拆解!

「通常在外露地方活動,接觸紫外線,例如喜歡戶外運動,或需戶外工作人士,身體都會比較多癦屎。」陳厚毅表示,部分人先天有癦痣,形狀可以好大,一般生在面部、手腳及身體上,有機會受家族遺傳影響。而後天增生的癦痣,會在幾個月大,甚至20歲才出現,形狀通常較細,任何地方都有機會生長,

點分癦痣、色斑及暗瘡印?

有時癦痣、色斑或印都難以分辨,一般在面上的可以是痣,也可以是雀斑或太陽斑,亦有機會是暗瘡印。「癦比較實色,有機會凸出嚟;暗瘡印會係平平哋,少少啡色,而曬出嘅斑亦都唔會凸起,有啲賀爾蒙斑嘅邊界有可能唔清。」一般的斑兩邊是對稱,太陽斑由色斑沉澱出來,所以範圍較廣。

至於出現癦痣愈來愈大,不一定是壞事,原來與長高有關,身上的癦痣會按身高增長比例變大,但如果發現癦痣不尋常變大,就要加倍小心。「可能代表粒癦有病變機會,一般嚟講,先天嘅癦經常曬,或者曬傷,都有機會變成皮膚癌。」

「ABCDE法則」分辨皮膚癌

每個人全身有達100粒癦都是正常,但如何分辨屬於好與壞?大家可以用「ABCDE法則」來判別。A(Asymmetry)不對稱,當發現粒癦兩邊唔對稱,可能已變異。B(Border)邊界,癦好大,但邊界唔清晰,似滲出來,亦可能有問題。C(Colour)顏色,癦有啡、黑或肉色都屬正常,但出現唔同顏色,例如藍、紅等,可能已是皮膚癌。D(Diameter)直徑,如癦屬細小,變成癌症的機會都較低,但6毫米以上便要小心處理。E(Enlarging)增大,癦本身平滑,若突然增厚或突出,已是產生變化。

如何預防後天形成的癦?

後天長出癦痣是難以避免,皮膚白皙或家族多癦的人最為顯著。有研究指,搽防曬產品,有機會減少痣,故平日除了戶外運動,出街時亦要做足防曬,「要留意紫外線,呢啲傷害係日積月累,旅行先做防曬係唔夠。」

孕婦懷孕時,可能發現身上的癦痣或斑,顏色加深及變大:「其實係同賀爾蒙變化有關,都係正常。」孕婦分娩後,癦痣沒有變多都不必擔心。

美白無助減退癦的色素

不少人當見到有新癦痣出現,會用美白產品,陳提醒,癦痣色素跟太陽曬出的斑有所不同,「有時搽咗美白不單冇好轉,反而令皮膚更加敏感。」坊間有唔少人認為食用深色食物或飲料會產生更多癦,陳直言暫時未有醫學實證,「有啲人話食豉油會多啲癦,都冇科學根據。」




來源 source: http://hk.on.cc
鍾意就快D Share啦!