- 【分享人生】第一份工做銀行 王梓軒: 冇冤枉路
- 16分鐘前
昨日王梓軒應邀到中學出席活動，與主持人啤梨分享人生，逆境自強，梓軒話：「講你都唔信，我第一份工係做投資銀行，仲要係大行，如果我繼續做，依家應該係半退休狀態。每個人都有啲嘢想做，但未必夠膽做，但其實都有粒種子喺心裏面，目標未必係咁快達到唔緊要，學吓、體驗吓另一種生活，或者會更肯定自己嘅志願。」
「其實我畢業之前已經識咗師傅趙增熹，大學已經寫緊歌，當時已經作咗幾十首歌，佢叫我攞嚟聽吓，聽完覺得幾好，問我想唔想錄成demo，我嗰時淨係識作曲，唔識得錄音同編曲，對自己又好冇信心，諗住賣晒啲歌完咗個夢就算喇，我就繼續踏踏實實做嘢。阿熹問我啲demo有冇考慮自己唱？我話唔好搞啦，有啲咩行差踏錯全世界望住你，但後來因為太鍾意(音樂)，就quit咗份工同阿熹一齊製作頭4隻唱片，咁就出咗道。」
梓軒更為同學們打氣，叫大家加油:「啱啱個音樂劇《利瑪竇》提醒我，冇冤枉路，如果我冇演過戲，冇咁多質疑嘅年月，呢個角色我根本冇可能演到。」
立即下載APP，精彩內容壹手掌握
下載連結： http://bit.ly/Next29App如對會員訂閱制遇到任何問題或意見，你可以致電 2623 9985，或電郵聯絡客戶服務主任cs@nextdigital.com.hk，我們定當盡力協助！
來源 source: http://nextplus.nextmedia.com
|
鍾意就快D Share啦！
|
|
|
