(Getty Images)
港網 No.1 24小時足球賠率：https://bit.ly/2UmNL0L
周一(10日)凌晨歐國聯決賽，東道主葡萄牙憑干卡路古亞迪斯射入世界波，以1:0擊敗荷蘭，成為首屆歐國聯冠軍。
有主場之利嘅葡萄牙明顯比較主動，開波冇幾耐，貝拿度施華殺入禁區，被華基爾雲迪積克、戴利白蘭特夾擊之下跌倒，但球證冇表示。
葡萄牙攻勢陸續有來，中場波基斯費南迪斯連續2次遠射，都無功而還。C朗起腳被華基爾雲迪積克擋出底線，葡萄牙隨即開出角球，但荷西方迪頂得太正，被荷蘭門將施利臣接實。
波基斯費南迪斯之後有3次射門，包括1球靚波，被施利臣撲出底線。C朗亦有1次頭槌及招牌式左路扣入中路勁射，都被施利臣接住。反觀，荷蘭上半場竟然冇射門。
下半場一開波，荷蘭試圖偷襲，韋拿杜姆單刀起腳，但越位在先。葡萄牙還以顏色，終於喺60分鐘打開紀錄，貝拿度施華左路橫傳畀干卡路古亞迪斯於禁區頂勁射入網。
呢位效力西甲華倫西亞嘅22歲翼鋒都係其中一位「新C朗」，值得一提，佢身穿C朗昔日國家隊嘅17號球衣，或者將來會由佢繼承C朗衣缽。
荷蘭失波後立即反擊，但迪比頭槌勁頂，被門將魯爾柏迪斯奧救出，迪魯恩遠射又高出。
臨完場C朗主射罰球，但唔中目標，葡萄牙維持贏1:0完場，繼2016年歐國盃之後，再奪一項國際賽冠軍。
立即參加「賞您睇」：http://bit.ly/2JWKULh
Click下面粒掣，儲on.cc coins！機票、家電、超市禮券、過萬份獎品等緊你。
來源 source: http://hk.on.cc
|
鍾意就快D Share啦！
|
|
|
