掃呢頁CODE去手機

2019年6月14日 星期五

意甲:【有片】C朗隊友帶裸女入酒店 真相笑爆嘴 __,C朗,基斯坦奴朗拿度,

(互聯網/GettyImages)祖雲達斯19歲新星摩斯堅恩現時同意大利U21備戰緊U21歐洲國家盃,估唔到佢竟然帶1位「半裸女」進入球隊下榻嘅酒店房 ...


(互聯網/Getty Images)


祖雲達斯19歲新星摩斯堅恩現時同意大利U21備戰緊U21歐洲國家盃,估唔到佢竟然帶1位「半裸女」進入球隊下榻嘅酒店房,仲大膽到拍片放上社交網。

從片中見到摩斯堅恩手舞足蹈自拍,亮點係佢身後張床上,竟然有1位只着內褲嘅「半裸女」。球迷都議論紛紛,質疑點解摩斯堅恩可以帶女友去集訓,仲要同房玉帛相見。

不過睇真啲,原來呢位「半裸女」係另1位意大利U21國腳尼高路辛尼奧路至真,由於影片質素比較差,加上呢位羅馬中場男生女相,生得青靚白淨,驟眼一睇真係會以為佢係女人。

其實摩斯堅恩同尼高路辛尼奧路係同房隊友,兩個大男人喺房內只着內褲,冇乜所謂,但估唔到會引起咁大誤會,難怪兩人之後要拍片澄清。

意大利U21將於周一(17日)凌晨首場分組賽,以主辦國身份出戰西班牙U21,到時大家可以睇清楚摩斯堅恩同尼高路辛尼奧路係咪「天生一對」。

立即參加「賞您睇」:http://bit.ly/2JWKULh 

Click下面粒掣,儲on.cc coins!機票、家電、超市禮券、過萬份獎品等緊你。




來源 source: http://hk.on.cc
鍾意就快D Share啦!