網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年6月14日 星期五

吳嘉熙(Cheronna):戀情告急!Cheronna呻難溝通 拒嫁夏雨仔 __,Cheronna,吳嘉熙,夏雨,

結唔結~咁即係點?組合SuperGirls成員吳嘉熙(Cheronna)最近推出第三首個人單曲《無利可圖》,與男友黃奕晨(Dixon)打得火熱的她,自 ...


結唔結~咁即係點?


組合Super Girls成員吳嘉熙(Cheronna)最近推出第三首個人單曲《無利可圖》,與男友黃奕晨(Dixon)打得火熱的她,自爆曾出現感情危機:「當然有好差嘅時候,每段關係都一定有起落。(咩事?)之前溝通出現問題,我覺得自己唔夠相信呢個人,或者好多嘢令相處、情緒有影響,覺得大家唔知係咪行唔到落去,但經過一段時間學識咗點樣溝通,有啲嘢我唔可以逼佢改變睇法,所以我就自己醫自己,放鬆啲可能行得舒服啲。」

害怕承諾

曾視Dixon為結婚對象的她現在轉口風:「或者係我愈嚟愈睇得冇咁重,唔敢講我哋一定結婚,將來嘅嘢冇人知,希望愈大失望愈大,與其係咁傷,不如大家放鬆啲。我同佢都衝緊事業,最享受依家工作同拍拖並行,大家可以一齊成長、進步。」問到可有被親友催婚?她坦言:「我覺得啲人問我哋幾時結婚,係因為覺得我哋好Sweet,但其實係兩回事!結婚係一個承諾、責任,婚姻呢樣嘢好緊要,尤其係我嘅經歷同家庭背景,想要幸福美滿嘅婚姻同家庭,如果對方做唔到呢樣嘢,我寧願佢唔好同我結婚。」

安心工作

問到Dixon能否給她信心結婚?Cheronna坦言:「現階段問我係咪結婚對象真係答唔到,當然行落去最好。(你哋有冇傾過結婚?)我覺得唔傾會好啲,因為會好有壓力。我曾經喺失控嘅時候問佢究竟係咪想要長遠嘅關係,佢就答梗係想啦,但呢啲嘢真係唔知。」但她強調現時與男友感情穩定:「依家我哋好安心去做嘢,互相分享工作上嘅問題,無聊時會一齊無聊,又鍾意行山同做運動,又有足夠嘅自由,開心就得,冇太多嘢諗。」

髮型:Calvin Tsoi @ HAiR salon




來源 source: http://hk.on.cc
鍾意就快D Share啦!