網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年6月16日 星期日

【父親節專訪】感激老婆Jessica C.照顧好屋企 安志杰做爸爸後最怕死 __,Jessica,Jessica C,安志杰,

攝影:仇志德
「為咗佢哋,我會一秒變身Hulk。」自言是緊張爸爸的安志杰如此說。大銀幕上的他是硬朗鐵漢,回到家中頓時柔情萬縷。對太太JessicaC.呵護備至,對兩 ...


「為咗佢哋,我會一秒變身Hulk。」自言是緊張爸爸的安志杰如此說。大銀幕上的他是硬朗鐵漢,回到家中頓時柔情萬縷。對太太Jessica C.呵護備至,對兩個寶寶溫柔慈愛,安志杰說:「佢哋係我人生最大嘅動力。」



安志杰與太太Jessica C.及兩個寶寶,昨日在西環接受《動新聞》專訪,無時無刻流露幸福溫馨,每個擁抱和親吻都真情流露,毫不矯飾。首次與兩個寶寶慶祝父親節的安志杰說:「我覺得每日都是父親節。以前我根本冇諗過有個家庭,但係而家真係好開心,我人生最大嘅動力,就係要照顧好太太同兩個小朋友。



「5、6年前嘅我,如果知道要做爸爸,應該會好緊張,但係我聽到佢(Jessica C.)有BB嗰陣,我好自然笑咗出嚟,係好期待。」他憶述陪伴太太待產,感覺好像等了24小時,身旁的Jessica C.即糾正他:「沒有這麼久,大約10小時吧,但他覺得好像過了一整天。」安志杰笑謂:「係,等咗好耐,終於見到Tessa,我好開心同埋喊,不停望住佢,同佢講『welcome』。」提到愛女Tessa,安志杰從心裡笑出來,更坦承是呷醋爸爸:「有次,我哋同陳國坤個仔一齊去迪士尼,見到佢個仔拖住我個女,我好唔開心,全日喺度假笑。如果佢第時有男朋友,我諗過好多好多次,到時一定要見家長。」



當爸爸後的安志杰,更感受到母親的愛:「以前我受傷,媽媽會話我好曳。而家我真係好明白,因為佢哋如果受傷,我會好嬲好嬲,即刻變做HULK。」他認為自己要無時無刻保護家人,自嘲一家四口外出就會變成特務:「我會望吓天、望吓地,周圍睇吓,地下有冇屎,呢度附近好多屎,哈。」



安志杰感恩有太太,因為經常出埠工作,全靠太太照顧仔女:「我做嘢好投入,要睇劇本、要做好多嘢,冇時間打電話返去,但好彩有佢做媽媽,我好放心。」Jessica C.聞言即大讚對方是好老公,為家庭犧牲很多:「我知道他工作很辛苦,他不在香港,我會寫信給他,告訴他有多好。其實我沒有想像過Andy(安志杰)是這樣好的丈夫和爸爸,我只知他喜歡小動物。很多男人,面對小朋友會逃走,但他沒有,他真的很溫柔和感性,最享受就是與小朋友玩的時間。」



Jessica C.又指老公不是有耐性的人,但面對囡囡Tessa及囝囝Elvis卻非常有耐性,安志杰說:「呢個感覺對我嚟講,好奇妙,我從來都冇對佢哋大聲,淨係得佢哋對我大聲。」當爸爸後,他最大的轉變是怕死:「以前我做嘢,幾危險我都唔怕,而家真係怕,乜都好驚,因為我好清楚,一定要留番自己嚟照顧屋企。」



採訪:盧妹

攝影:仇志德

拍片:廖達燊



-----------------------------

6月14日至22日 《GAME迷鬥一餐》

玩《小小金魚跳躍王》即有機會贏取 OUTBACK $100現金券

http://bit.ly/2HW1FUH

-----------------------------

【新聞有價】繼續撐蘋果

請往蘋果日報網站了解更多



攝影:仇志德 安志杰與太太Jessica C.及兩個寶寶,昨日在西環接受專訪。 安志杰與太太Jessica C.及兩個寶寶,昨日在西環接受專訪。
一家人無時無刻流露幸福溫馨,每個擁抱和親吻都真情流露,毫不矯飾。

一家人無時無刻流露幸福溫馨,每個擁抱和親吻都真情流露,毫不矯飾。
首次與兩個寶寶慶祝父親節的安志杰說:「以前我根本冇諗過有個家庭,但係而家真係好開心。」

首次與兩個寶寶慶祝父親節的安志杰說:「以前我根本冇諗過有個家庭,但係而家真係好開心。」
他憶述陪伴太太待產,感覺好像等了24小時,身旁的Jessica C.即糾正他:「沒有這麼久,大約10小時吧。」

他憶述陪伴太太待產,感覺好像等了24小時,身旁的Jessica C.即糾正他:「沒有這麼久,大約10小時吧。」
當爸爸後的安志杰,認為自己要無時無刻保護家人,自嘲一家四口外出就會變成特務。

當爸爸後的安志杰,認為自己要無時無刻保護家人,自嘲一家四口外出就會變成特務。
安志杰感恩有太太,因為經常出埠工作,全靠太太照顧仔女。

安志杰感恩有太太,因為經常出埠工作,全靠太太照顧仔女。
安志杰說當爸爸後,他最大的轉變是怕死。

安志杰說當爸爸後,他最大的轉變是怕死。

鍾意就快D Share啦!


Related Posts Plugin for WordPress, Blogger...