掃呢頁CODE去手機

2019年6月1日 星期六

【Keep好副偈標尾會?】38歲陸詩韻忍口捱餓 三度進出麵包店睇完當食咗 __,李詩韻,陸詩韻,

馬上成為壹會員會員專區只限會員閱讀會員註冊/登入Keepfit幾時都係女士嘅終身事業,以2005年港姐亞軍、現年38歲嘅陸詩韻為例,明明已經又靚又窈窕 ...


馬上成為壹會員
會員專區 只限會員閱讀


Keep fit幾時都係女士嘅終身事業,以2005年港姐亞軍、現年38歲嘅陸詩韻為例,明明已經又靚又窈窕,一對筷子腳更加羨慕死人,但一樣要忍口捱餓,事關早前見佢一直流連麵包舖眼甘甘,不過為身材著想最後都嘟住嘴好唔捨得咁走開。佢咁樣忍口法見到都覺得辛苦。

是咁的,《壹》仔辣更期間,見到有個「背多分」喺麵包舖眼甘甘,望耐少少發現原來係陸詩韻,佢一直眼都唔眨咁望到啲包實一實,準備離開又突然停步嘟嘴望返轉頭,想必真係好掙扎好想食麵包。

以為陸詩韻下定決心唔再留戀,拎住部電話邊傾邊喺商場四圍逛,點知又一間麵包舖喺眼前。本住唔食望下都好嘅打算,陸詩韻喺麵包舖兜個圈,理性戰勝慾望,繼續忍口。

點知話都無咁快,又一間廚窗擺滿糕點嘅coffee shop,又係睇得唔食得,陸詩韻只能繼續扁嘴離開。

大家都有眼睇,陸詩韻上鏡都咁fit,真人望落只會更加瘦,所以以佢條件,食少少絕無問題,不過,佢連續三次都係睇咗當食咗,意志堅定到呢個地步,抵佢咁襟睇,而且愈來愈有女人味!

立即下載APP,精彩內容壹手掌握

下載連結: http://bit.ly/Next29App

如對會員訂閱制有遇到任何問題或意見,你可以致電 2623 9985,或電郵聯絡客戶服務主任cs@nextdigital.com.hk,我們定當盡力協助!


鍾意就快D Share啦!