掃呢頁CODE去手機

2019年6月6日 星期四

【李八方online】攞架嚟丟!何君堯邀辯論「送中」惡法 法律界選委婉拒暗示未夠班 __,何君堯,

【新增動新聞】被稱為「送中條例」嘅《逃犯條例》修訂惹起爭議,由資深大律師陳景生領軍嘅30名法律界選委早前邀請特首林鄭月娥就修例會面但被拒,點知此時走出 ...


【新增動新聞】

被稱為「送中條例」嘅《逃犯條例》修訂惹起爭議,由資深大律師陳景生領軍嘅30名法律界選委早前邀請特首林鄭月娥就修例會面但被拒,點知此時走出一位二打六,可能因為有個律師身份啦,立法會議員何君堯隨即去信法律界選委,指選委若然「興趣盎然」,佢願意「以一對三十」,設一個平台同選委會面。但呢種法理辯論明顯要有質素,唔係何君堯自動送上門人哋就肯制。

相關新聞:【引渡惡法】《由這一分鐘開始送畀中央等判監》 高登巴絲改編金曲籲6.9上街



陳景生今日代表法律界30名選委向何君堯回信,提醒選委係因為保安局局長李家超早前稱新聞界同法律界唔了解《逃犯條例》,所以要求會面,而何君堯並唔係代表特首或者特區政府(I am afraid you are not in the position to represent the CE or the HKSAR Government to enlightening us),除非佢喺政府有位置啦,否則選委無理由(no point)同佢見面做交流,暗示對方未夠班。



之不過咁,呢班法律界猛人都好客氣,話如果何君堯有意同選委討論《逃犯條例》修訂,可以約見個別選委,相信選委樂意聆聽法律界「選民」嘅意見。人貴自知,有啲架可能係自己攞嚟丟。

相關新聞:【引渡惡法】沉默中爆發 連登仔放下鍵盤擺街站反送中



昔日新聞:電視辯論互叫熄咪 曾:你係撕裂2.0 林鄭:會順應民意辭職



相關新聞:【不斷更新】全港大中小學學界聯署「反送中」



【引渡惡法●懶人包】大律師公會逐點K.O.政府修例理由

【引渡惡法●懶人包】一文睇晒立會法律顧問7點質疑修例



民陣6.9反惡法遊行

日期:6月9日(日)

集合地點:維園草地

時間:下午2時30分集合、3時正起步

遊行路線:維園草地遊行至金鐘添美道立法會

(資料來源:民陣)



---------------------------

新聞有價 你肯為《蘋果動新聞》付幾多錢?

https://hk.adai.ly/QDTT6y5mgX




鍾意就快D Share啦!