掃呢頁CODE去手機

2019年6月18日 星期二

【李八方online】林鄭落難689即蒲頭攞威 指「送中」風波重創香港國際聲譽 __,689,梁振英,

左圖董立華攝
梁振英fb截圖梁振英無得做特首後,變身鍵盤戰士不停發炮,早前就以日日統計《蘋果》廣告數量過日晨,變相幫《蘋果》谷咗一輪廣告後,卻對社會鬧得熱哄哄嘅「送 ...


梁振英fb截圖 梁振英fb截圖

梁振英無得做特首後,變身鍵盤戰士不停發炮,早前就以日日統計《蘋果》廣告數量過日晨,變相幫《蘋果》谷咗一輪廣告後,卻對社會鬧得熱哄哄嘅「送中」條例一直絕口不提。直到特首林鄭日前公開就硬推「送中」惡法發聲明致歉後,689今朝終於喺Fb發帖評論事件,其間疑似向林鄭「踩多腳」,直指修訂《逃犯條例》引起嘅風波,「重創香港在國外的聲譽」,難得同民主派陣營,連成一線。

相關新聞:【引渡惡法】韓國瑜唔回應反送中 被質疑反「一國兩制」只得1日



昔日新聞:【引渡惡法】689撐禿鷹獲中央提名競逐聯合國要職 拒回應汽油彈陰謀論



咁不在其位卻意見多多嘅689,有乜好橋幫到香港呢?佢話喎,對外嘅解釋說明工作,不能僅靠中國駐外嘅使領館,不能單靠「力量單薄的」香港特區經貿辦事處,更不能靠外國傳媒,佢建議香港各大商會馬上組團連續出訪,話各商會喺特區政府作出讓步後接受修改方案,對整件事嘅來龍去脈最為清楚,所以最有發言權喎。八方唔知有幾多個商會會理呢位過氣特首意見,只知道唔少「梁粉」都覺得689點會唔知翻閹無望?咁活躍都係刷存在感。

相關新聞:【引渡惡法】在韓港人首爾示威「反送中」 「我哋會keep住聲援」



又咁講,雖然佢嘅UGL醜聞案係喺林鄭任內決定不作起訴,但林鄭當年做CS時點樣「對待」呢位特首,相信689本人最清楚。而適逢同類近傘運事件嘅創傷重演,當年有份挑起傘運嘅689,又點會唔抓緊機會,扮威武咁幫忙收拾殘局?



翻查梁振英6月7日起嘅fb發文,除每日數《蘋果日報》有幾多廣告外,6月8日凌晨就發文講黃台仰及李東昇獲德國庇護一事,6.12早上轉載《明報》一篇題為「《紐時》反猶風波 停登政治漫畫」嘅報道,留言「這種言論自由,我們可以學嗎?」6.13佢話自己去深圳交流,而6.16、6.17兩日,200萬人大遊行前後,佢都只係數《蘋果日報》廣告數量。6月8日梁振英曾經喺香港出席過公開活動,致辭嗰陣都冇提及《逃犯條例》修訂,離場時亦冇回答記者提問。





昔日新聞:電視辯論互叫熄咪 曾:你係撕裂2.0 林鄭:會順應民意辭職

相關新聞:【不斷更新】全港大中小學學界聯署「反送中」



【引渡惡法●懶人包】大律師公會逐點K.O.政府修例理由

【引渡惡法●懶人包】一文睇晒立會法律顧問7點質疑修例





-----------------------------

你撐蘋果 我捐$1

支援反送中抗爭者

請往《蘋果日報》網站了解更多




鍾意就快D Share啦!