網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年6月20日 星期四

【獨家.巨size細仔曝光】 張柏芝偷運7個月細仔飛新加坡 換車牌又轉車陣 __,柏芝,

終於影到喇!喺張柏芝心口孭住呢個B,就係跟佢姓嘅細仔張禮承Marcus,腳仔粗粗係幾可愛嘅!雖然柏芝一直都冇講Macrus親生爸爸係邊個,但係,陪住柏 ...




終於影到喇!喺張柏芝心口孭住呢個B,就係跟佢姓嘅細仔張禮承Marcus,腳仔粗粗係幾可愛嘅!雖然柏芝一直都冇講Macrus親生爸爸係邊個,但係,陪住柏芝同Marcus身邊總有個男人,嗰個就係佢細佬張豪龍。豪龍照顧柏芝兩母子好無微不至!睇吓呢日,豪龍揸車送柏芝去Lucas同Quintus嘅學校家長日,一去到學校門口,豪龍停低架車即刻跑去為柏芝開車門,再輕扶佢落車,細心到呢!唔知嘅人真係會以為佢哋係兩公婆。柏芝孭住Macrus入咗學校,豪龍喺校外拎住奶粉袋兼食住煙等柏芝。喺學校留咗個幾鐘嘅柏芝準備離開,豪龍見學校外多車多人,為免Marcus曝光,特別要求學校畀佢揸架車入去接柏芝,真係好高防備。平時好鍾意四圍去嘅柏芝,呢日湊住Marcus,邊度都唔去,同豪龍直接返屋企。

舊年12月突然公布自己生咗第三胎嘅張柏芝,囝囝眨吓眼已經7個月大。柏芝早前接受過內地節目訪問,講起Marucs,話佢3個月大已經15磅重。睇番呢日,Marcus的確係腳仔粗粗嘅,睇得出真係個大隻B。柏芝咩都喺ig開心些牙,反而一直對細仔Marcus好保護,從來冇post過佢個樣出嚟,只係post過整BB嘢食嘅片!唔想Marcus個樣曝光,柏芝將平時用開嘅七人車換咗車牌,七人車多數車工人去買嘢。然後柏芝唔揸自己啲車,借經理人架車嚟用,保證唔要畀傳媒跟蹤到,而陪住佢左右嘅,都係得豪龍一個人。

連日嚟,柏芝幾乎都冇帶過Marcus出街,只喺送過Lucas、Quintus返學,然後去商場嘅連鎖玩具店買玩具返屋企畀Marcus玩。好似呢日咁,豪龍又車柏芝出街,去到商場放低咗柏芝同工人姐姐後,泊低車再會合柏芝。戴白色cap帽黑口罩再加多副黑超,柏芝幾乎將自己個樣全封,買完護膚品再去超市。行超市時,豪龍陪住佢左右,見到乜都同豪龍講嘅柏芝,姊弟情深到似一對夫婦。掃完超市後,豪龍先將一袋二袋放上車,柏芝就去行BB用品店,見到啱心水產品會問店員意見,等到豪龍返嚟,二人就去連鎖玩具店買玩具,買完就返屋企。連日嚟,柏芝冇再更新ig,因為佢14號晚已經偷運咗Marcus返新加坡,順便喺嗰邊睇埋莫文蔚演唱會。

攝錄:娛樂攝影組

立即下載APP,精彩內容壹手掌握

下載連結: http://bit.ly/Next29App

如對會員訂閱制有遇到任何問題或意見,你可以致電 2623 9985,或電郵聯絡客戶服務主任cs@nextdigital.com.hk,我們定當盡力協助!

鍾意就快D Share啦!