即係……好似……凸咗啲喎又…
藝人楊潮凱到書展宣傳個人寫真集，他表示以往都只是前來買書，曾購買袁偉豪及孫慧雪的寫真，但今年輪到自己出書，未知是否太緊張，昨晚發燒至38度，笑言因此今日打扮密實。
他表示今次在檳城取景，愈影愈開心，拍了9000張相，最終選了120張。他又表示拍攝期間有趣事，突然聽到有三個人大叫「衰人」，嚇了他一跳，原來是叫他《鐵探》的名字「正龍」，想不到劇集在當地有助他提升人氣。
講到現場的肖像backdrop是一張半裸穿棉褲照片，下身激凸，他笑言實屬正常：「因為着棉褲，正常係咁，我冇攝嘢，係designer設計，大家唔好集中呢度，睇吓腹肌，練得好辛苦㗎！（今次啲相有冇好性感？）有泳褲、內褲，對我嚟講都係大挑戰，好少咁暴露於人前，都有啲尷尬。」對於其寫真標價218元，是其中一本最貴的寫真，他直言因物料昂貴：「我用硬皮、燙銀、壓紋，呢啲都比較貴，所以要轉駕喺消費者度，都唔驚影響銷情，值得珍藏嘅。」
稍後他在書展舉行簽名會，好友黃嘉樂、傅嘉莉和孫慧雪到場支持及索簽名。問到出寫真可擔心成為「男男」幻想對象？他笑言：「都冇得擔心，係自由意志嚟，咁成為幻想對象都係光榮事，證明有本錢先得。」太太可擔心中途「轉基」？他笑謂:「個女先啱啱出世，唔會住。（即係將來會？）人生嘅嘢唔敢講。」問到上洗手間時可有遇人眼光不禮貌？他謂:「咁又冇，香港人好識尊重。」他又指其粉絲都是好內斂，會收在心底不會表露出來，所以初頭都有擔心銷情不理想。問到是否他召喚圈中朋友來撐場？他自嘲臉皮薄，反而是嘉樂說要來撐場。
---------------
立即參加「賞您睇」： http://bit.ly/2JWKULh
Click下面粒掣，儲on.cc coins！機票、家電、超市禮券、過萬份獎品等緊你。
來源 source: http://hk.on.cc
|
鍾意就快D Share啦！
|
|
|
