2019年7月23日 星期二

【發福定有咗?】47歲美魔闊太吳美珩買餸 胸脹腹大髀又粗 __,吳美珩,

TVB前花旦吳美珩雖然已經47歲,兼有一女一仔,但佢每次現身,人人都大讚keep得好又係美魔女一個。不過,《壹》仔早排撞見吳美珩,明顯發福不少喎!肚腩 ...




TVB前花旦吳美珩雖然已經47歲,兼有一女一仔,但佢每次現身,人人都大讚keep得好又係美魔女一個。不過,《壹》仔早排撞見吳美珩,明顯發福不少喎!肚腩仔凸咗出嚟遮唔住;無論小腿定大髀都粗咗個碼;其實連胸部都好似升咗cup。斷估唔係有咗啩?

吳美珩2001年秘嫁40億身家嘅美藉華人王華麟,直到2007年先對外公佈,自此幾乎絕跡娛圈。人人以為佢嫁個有錢人之後,少奶奶生活不外乎電視情節成日見到嘅行街shopping、high tea、扮靚、遊埠等等。靚就真係keep住靚喇,但最常見到佢做嘅事,竟然係逛超市為屋企上倉入貨,而且通常都係單拖做師奶,傭人姐姐都唔帶一個,所以塞滿咗有啲份量嘅購物車,佢都係自己落手落腳推。

老公身家豐厚,吳美珩名下亦持有兩間半山物業合共億億聲,但佢買嚿三文魚腩都會諗過度過,超市員工幫佢揀好準備pack埋,點知佢又心大心細自己揀嚟揀去,闊太咁精打細數真係唔常見。之不過,買雪糕雪條佢就好爽手喇,嗱嗱臨就拎兩盒塞落已經堆積如山嘅車仔,唔通佢突然身廣體胖咗就係衰喺雪糕手上?面部比以前好肉咗,肚腩亦相當凸出,深色窄腳褲唔顯瘦反而睇得出好肉地,要同美魔女講bye bye了。

點都好,話晒曾經係當家花旦,喺電視汁撈飯嘅年代拍過唔少好劇,就算多年無現身幕前又戴咗黑超,但畀錢埋單時,話咁快就被途人認出向佢打招呼另外,話晒都係闊太,買到一抽二褦唔通真係自己拎咩,司機大佬一個電話就到,立即幫手拎嘢上車閃人


鍾意就快D Share啦!
Related Posts Plugin for WordPress, Blogger...