掃呢頁CODE去手機

2019年7月23日 星期二

薛家燕:《50年》慶功宴!黎小田呻電視台冷氣凍到病 __,薛家燕,黎小田,

胡諾言(左起)、薛家燕、黎小田、陳敏之同《流行經典50年》嘅工作人員舉行慶功宴。無綫節目《流行經典50年》早前宣布由胡楓接棒,之前四位主持薛家燕、黎小 ...


胡諾言(左起)、薛家燕、黎小田、陳敏之同《流行經典50年》嘅工作人員舉行慶功宴。


無綫節目《流行經典50年》早前宣布由胡楓接棒,之前四位主持薛家燕、黎小田(Michael)、胡諾言、陳敏之與工作人員舉行慶功宴,延開4席慰勞大家,久未露面的黎小田早前因肺炎休息多時,當晚亦有畀面出席。薛家燕說:「多謝大家支持同配合,大家工作得好開心,我好多謝Michael咁錫我,為我做呢個節目,好感動。」

Michael說:「我哋拍檔咗好耐,一叫我做呢個節目,本來唔係叫50年,叫50強,但做做吓就兩年,嘩!你知電視台啲冷氣做到我病咗肺炎,醫咗一輪,依家好番,亦都多謝所有工作人員,多謝我哋啲樂隊、燈光,所有啲導演,大家最緊要身體健康、身壯力健,好似家燕姐咁捱得住!」薛家燕亦補充說:「多謝監製,佢約我傾呢個節目時,佢諗起《家燕與小田》,咁我就即刻諗起要請Michael,請Michael出嚟時,佢仲𠵱𠵱哦哦,佢上晒岸,做咩節目吖!佢又話費事喇!不過我話有你支持,個節目好睇好多⋯⋯」

當日薛家燕同敏之都帶了不少代言禮物到場,而Michael就封咗兩封現金利是,畀大家抽獎。薛家燕說:「好開心!今晚難得請到Michael出席,佢話佢都等咗好耐,想同我哋食餐飯,佢一見到我就問點解唔打鋪麻雀先?」胡仔說:「見到Michael哥氣色好好,型咗、弗咗,我哋頭先食完飯,話約定去Michael屋企。」薛家燕好開心咁話:「Michael話你哋嚟要帶啲嘢食,你知啦,佢鍾意食雪糕、蛋糕。」敏之說:「呢兩年幾我哋已經成為一家人,所以見到小田哥,我都好開心。放心,我一定會將你哋辛苦經營咁好嘅節目承傳落去。」雖然家燕與胡仔已經完成使命,不過兩人異口同聲表示得閒會上該節目做嘉賓,更笑指會練定歌先!

---------------

立即參加「賞您睇」: http://bit.ly/2JWKULh

Click下面粒掣,儲on.cc coins!機票、家電、超市禮券、過萬份獎品等緊你。




來源 source: http://hk.on.cc
鍾意就快D Share啦!